கல்லூரிக்கு வாங்கிய புதிய பேருந்தை ஓட்டிப்பார்த்த ராமதாஸ்!

சரசுவதி சட்டக் கல்லூரிக்கு வாங்கிய பேருந்தை பா.ம.க நிறுவனர் ராமதாஸ் ஓட்டிப் பார்த்து மகிழ்ந்துள்ளார்.

பா.ம.க நிறுவனர் ராமதாஸ் தமிழகத்திலுள்ள மிக மூத்த தலைவர்களுள் ஒருவர். அவருக்கு வயது 82.

தீவிர அரசியலில் ஈடுபட்டுவரும் அவர், சமூக வலைதளங்களிலும் அவருடைய பங்களிப்பை செலுத்திவருகிறார்.

இந்தநிலையில், அவருடைய ஃபேஸ்புக் பக்கத்தில் சட்டக்கல்லூரிக்கு வந்த பேருந்தை ஓட்டியதை மகிழ்வுடன் பதிவிட்டுள்ளார்.

அவருடைய பதிவில், ‘சரஸ்வதி சட்டக்கல்லூரிக்கு வந்த புத்தம்புதிய பேருந்து! மருத்துவர் இராமதாசு கல்வி அறக்கட்டளைக்குட்பட்ட சரசுவதி சட்டக்கல்லூரிக்கு புதிய பேருந்து வாங்கப்பட்டிருக்கிறது. அசோக் லேலண்ட் நிறுவனத்தின் அந்த பேருந்து கரூரில் கூடு கட்டப்பட்டு இன்று கல்லூரிக்கு வந்து சேர்ந்தது. கல்விக் கோயில் வளாகத்தில் புதிய பேருந்தை நான் இயக்கிப் பார்த்தேன்’ என்று குறிப்பிட்டுள்ளார்.