நாளிதழ்களில் இன்றைய சுவாரஸ்ய செய்திகள்! (20.03.19)

தெலங்கானா மாநிலத்தில் உள்ள ஒரு பள்ளியில் 2 மாணவிகள் மட்டுமே 10-ம் வகுப்பு பொதுத்தேர்வு எழுதினர். ஆனால், இவர்களை கண்காணிக்கும் பணியில் 8 அதிகாரிகள் ஈடுபடுத்தப்பட்டனர் - இந்து தமிழ்

காஞ்சிபுரம் மாவட்டம் செங்கல்பட்டில் இயங்கி வரும் கொத்தடிமைத் தொழிலாளர் மறுவாழ்வு சங்கத்துக்கு வாகனத்தை நன்கொடையாக நடிகர் விஜய் சேதுபதி வழங்கினார் - தினமணி

முப்படைகள் மற்றும் துணை ராணுவப் படையைச் சேர்ந்தவர்களுக்கு, வீர தீர செயலுக்கான விருதுகளை, ஜனாதிபதி, ராம்நாத் கோவிந்த் நேற்று வழங்கினார். தன் வீட்டுக்குள் நுழைய முயன்ற பயங்கரவாதியை அடித்து விரட்டிய, ஜம்மு - காஷ்மீரைச் சேர்ந்த, 16 வயது சிறுவன் இர்பான் ரம்ஜான் ஷேக்குக்கு, ராணுவத்தினருக்கு வழங்கப்படும் வீர தீர விருது வழங்கப்பட்டது - தினமலர்

முதுநிலை மருத்துவப் படிப்புகள் கலந்தாய்வு ஏப்ரல் 1-ம் தேதி முதல் நடைபெற உள்ளது. அதற்கான தரவரிசைப் பட்டியல் வரும் 31-ம் தேதி வெளியிடப்படவிருக்கிறது - தினமணி

மக்களவைத் தேர்தலையொட்டி முன்னெச்சரிக்கை நடவடிக்கையாக சென்னையில் 750 பேர் கைது செய்யப்பட்டுள்ளதாக காவல்துறை தெரிவித்துள்ளது - தினத்தந்தி

பணத்துக்காக இல்லை. கின்னஸ் சாதனைக்காகவே தர்மபுரி லோக்சபா தொகுதியில் போட்டியிடுகிறேன். தற்போது 200-வது முறையாக வேட்புமனு தாக்கல் செய்துள்ளேன் என தேர்தல் மன்னன் பத்மராஜன் கூறினார் - தினமலர்

அசாம் மாநிலத்தில் இருந்து பொள்ளாச்சிக்கு லாரியில் கொண்டு வரப்பட்ட ரூ.25 லட்சம் மதிப்புள்ள டீத்தூளை கடத்தி விற்றதாக 3 பேரை போலீசார் கைது செய்தனர். லாரியின் உரிமையாளரை தேடி வருகிறார்கள் - தினத்தந்தி