கன்னியாகுமரி, நெல்லையில் கனமழைக்கு வாய்ப்பு... மீனவர்களுக்கு எச்சரிக்கை.. சென்னை உள்ளிட்ட மற்ற மாவட்டங்களின் நிலை?

வெப்ப சலனம் மற்றும் மேலடுக்கு சுழற்சி காரணமாக அடுத்த 24 மணி நேரத்திற்கு கன்னியாகுமரி, திருநெல்வேலி ஆகிய ஓரிரு இடங்களில் இடியுடன் கூடிய கனமழை பெய்ய வாய்ப்புள்ளது.

தூத்துக்குடி ராமநாதபுரம் விருதுநகர் தேனி கோவை நீலகிரி சேலம் ஆகிய இடங்களில் இடியுடன் கூடிய லேசான முதல் மிதமான மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

மதுரை கரூர் பரமத்தி திருச்சி சேலம் தர்மபுரி வேலூர் திருத்தணி ஆகிய மாவட்டங்களில் அதிகபட்சமாக வெப்பநிலை 40 டிகிரி செல்சியஸ் வரை பதிவாகும் என்பதால் விவசாயிகள் பொதுமக்கள் என யாரும் காலை 11.30மணி முதல் மதியம் 3 மணி வரை தேவையில்லாமல் வெளியே செல்வதை தவிர்க்க வேண்டுமெனவும் எச்சரிக்கை விடுத்துள்ளனர்.

குமரிக்கடல் மற்றும் அதனை ஒட்டியுள்ள மானத்தின் பகுதிகளில் அடுத்த 24 மணி நேரத்திற்கு சூறாவளிக் காற்று வீசும் என்பதால் மீனவர்கள் அந்த பகுதிக்கு மீன்பிடிக்க செல்ல வேண்டாம் என எச்சரிக்கை விடுக்கப்பட்டுள்ளது.

கடந்த 24 மணி நேரத்தில் திருநெல்வேலி மாவட்டம் தென்காசியில் 4 சென்டி மீட்டர் மழையும், ஆயக்குடியில் 3 சென்டி மீட்டர் மழையும் பதிவாகியுள்ளது.

சென்னையை பொருத்தவரை வானம் ஓரளவு மேகமூட்டத்துடன் காணப்படும். அதிகபட்ச வெப்பநிலையாக 36 டிகிரி செல்சியஸ், குறைந்தபட்ச வெப்பநிலையாக 28 டிகிரி செல்சியசும் பதிவாகும்.