Man vs Wild | காட்டில் முள் குத்துச்சு அவ்வளவுதான் - ரஜினி பேட்டி

பேர் கிரில்ஸ் உடன் ரஜினிகாந்த்

மேன் வெர்சஸ் வைல்டு நிகழ்ச்சி ஷூட்டிங்கின் போது ரஜினிகாந்திற்கு லேசான காயம் ஏற்பட்டதாக கூறப்பட்ட நிலையில், அவ்வாறு ஏதும் காயம் ஏற்படவில்லை என்று ரஜினிகாந்த் தெரிவித்துள்ளார்.

பேர் கிரில்ஸ் இயக்கும் மேன் வெர்சஸ் வைல்டு நிகழ்ச்சி உலகளவில் மிகப் பிரபலமான நிகழ்ச்சி. டிஸ்கவரி சேனலில் ஒளிபரப்பாகும் இந்த நிகழ்ச்சியில் சில மாதங்களுக்கு பிரதமர் மோடி பங்கேற்றார்.

இந்நிலையில் கர்நாடகா மாநிலத்தில் உள்ள பந்திபுரா புலிகள் காப்பகத்தில் இந்த நிகழ்ச்சிக்கான ஷூட்டிங்கில் ரஜினிகாந்த் - பேர் கிரில்ஸ் பங்கேற்றனர். சூட்டிங் முடிந்ததும் அங்கிருந்து வன காவலர்களுடன் ரஜினி புகைப்படம் எடுத்துக்கொண்டார்.

ஷூட்டிங்கின் போது ரஜினிகாந்திற்கு லேசான காயம் ஏற்பட்டதாக கூறப்பட்ட நிலையில், சென்னை விமான நிலையத்தில் பேட்டியளித்த அவர் தனக்கு காயம் ஏதும் ஏற்படவில்லை என்றும், அங்கே புதர்கள் நிறைய இருந்ததாகவும் அதில் இருந்த முட்கள் சில இடங்களில் குத்தியது அவ்வளவுதான் என்றும் தெரிவித்தார்.

ரஜினிகாந்த்