கருணாநிதி... ஓபிஎஸ்... பிடிஆர்... தமிழ்நாட்டில் நிதி அமைச்சர்களாக பதவி வகித்தவர்களின் முழு பட்டியல்...!

1. சி.சுப்ரமணியம் : ராஜாஜி மற்றும் காமராஜர் ஆகியோரின் அமைச்சரவைகளில், 1952 முதல் 1962 வரையில், நிதித்துறை மட்டும் இன்றி சட்டம், கல்வி ஆகிய துறைகளை கவனித்து வந்தவர் சி.சுப்பிரமணியம்.

2. எம்.பக்தவத்சலம் : மெட்ராஸ் மாநிலத்தின் நான்காவது முதலமைச்சரான பக்தவசலம், முதலமைச்சராக பதவி வகிப்பதற்கு முன்பு, 1962 முதல் 1963ஆம் ஆண்டு வரை காமராஜர் அமைச்சரவையில் நிதியமைச்சராக பொறுப்பு வகித்தார்.

3. அறிஞர் அண்ணா : திமுகவின் முதல் முதலமைச்சரான அறிஞர் அண்ணா,  தற்போதைய  தமிழகத்தினை  கட்டமைத்தவர்களில் முக்கியமானவராக பார்க்கப்படுகிறார். அண்ணா 1967 முதல் 1969 வரை நிதியமைச்சராக பதவி வகித்தார்.

4. செ.மாதவன் : முதலமைச்சராகவும் நிதித்துறையையும் கவனித்து வந்த அண்ணாவின் மறைவுக்கு பிறகு, நிதித்துறையை செ.மாதவன் சில காலம் கவனித்து வந்தார்.

5. மு.கருணாநிதி : 1971 முதல் 1976 வரையிலும் 1989 முதல் 1991 வரையில், முதலமைச்சராக பொறுப்பு வகித்த கருணாநிதி, நிதித்துறையையும் கவனித்து வந்தார்.

6. கே.ஏ.மதியழகன் : திமுக தொடங்கப்பட்ட காலத்தில், அதன் முக்கிய தலைவர்களில் ஒருவரான கே.ஏ.மதியழகன், 1969 முதல் 1970 வரை நிதியமைச்சராக பொறுப்பு வகித்தார்.

7. நாஞ்சில் மனோகரன் : திமுகவில் இருந்து பிரிந்து எம்ஜிஆர், அதிமுகவை தொடங்கியபோது,  திமுகவில் இருந்து பல்வேறு தலைவர்கள் விலகினர். அதில், முக்கியமானவர் நாஞ்சில் மனோகரன். 1977 முதல் 1980 வரையிலான காலத்தில், எம்ஜிஆர் தலைமையிலான அதிமுக ஆட்சியில் நிதியமைச்சராக இருந்தார்.

8. நெடுஞ்செழியன் : அதிமுகவில் இருந்து விலகி திமுகவில் இணைந்த நாவலர் நெடுஞ்செழியன்  1980 முதல் 88 வரையிலும்  ஜெயலலிதா அமைச்சரவையில் 1991 முதல் 96 வரையிலும் நிதியமைச்சராக இருந்தார்.

9. சி.பொன்னையன் : இரண்டாவது முறையாக வெற்றிபெற்று முதலமைச்சரான ஜெயலலிதாவின் அமைச்சரவையில், அதிமுகவின் மூத்த தலைவர்களில் ஒருவரான சி.பொன்னையன் 2001 முதல் 2006 வரை  நிதி அமைச்சராக பதவி வகித்தார்.

10. க.அன்பழகன் : 2006 முதல் 2011 வரை, கருணாநிதி தலைமையிலான அமைச்சரவையில் பேராசிரியர்  க.அன்பழகன், நிதித்துறையை கவனித்து வந்தார்.

11. ஓ.பன்னீர்செல்வம் : 2011 முதல் 2017 வரை நிதித்துறையை கவனித்து வந்தவர் ஓ.பன்னீர் செல்வம். 2018 முதல் 2021 வரையில், எடப்பாடி பழனிசாமி அமைச்சரவையிலும், நிதி அமைச்சராக பதவி வகித்தார்.

12. டி.ஜெயக்குமார் : எடப்பாடி பழனிசாமி தலைமையிலான அமைச்சரவையில் 16 பிப்ரவரி 2017 - 21 ஆகஸ்ட் 2017 வரை நிதியமைச்சராக பொறுப்பு வகித்தார்.

13. பி.டி.ஆர்.பழனிவேல் ராஜன் : கிட்டத்தட்ட 10 ஆண்டு கால அதிமுக ஆட்சிக்கு பிறகு, அமைந்த திமுக அரசில் முதலமைச்சர் மு.க.ஸ்டாலின் தலைமையிலான அமைச்சரவையில் கடந்த 2021ஆம் ஆண்டு மே மாதம் முதல் இன்று வரை நிதியமைச்சராக பதவி வகித்தவர் பி.டி.ஆர்.பழனிவேல் தியாகராஜன்.

14. தங்கம் தென்னரசு : 2006 முதல் 2011 வரையில், பள்ளிக்கல்வித்துறை அமைச்சராகவும் 2021 முதல் இன்று வரை, தொழில்துறை அமைச்சராகவும் பதவி வகித்த தங்கம் தென்னரசுவுக்கு தற்போது நிதித்துறை வழங்கப்பட்டுள்ளது.