'வீட்டுக்கு போங்க மாற்றித் தருகிறேன்'.. பழைய ரூ.500, 1000 நோட்டுகளை கொடுத்த மூதாட்டிக்கு ஆட்சியர் பதில்

மாவட்டம், சிந்தலவாடியை அடுத்த நந்தன்கோட்டை கிராமத்தை சார்ந்தவர் ராமஜெயம் மனைவி சின்னபிள்ளை. (வயது 80) ராமஜெயம் ஏற்கனவே உயிரிழந்து விட்ட நிலையில், சின்னப்பிள்ளை வாழ்ந்து வருகிறார்.

இவர் காது கேட்கும் குறைபாடு இருப்பதால் அதற்கான உதவித் தொகை 1000 ரூபாய் மாதம் தோறும் அரசிடமிருந்து பெற்று வருகிறார்.

கடந்த சில ஆண்டுகளாக தான் பெற்ற உதவித் தொகையை சிறுக, சிறுக சேமித்து வைத்திருந்துள்ளார். கடந்த 4 ஆண்டுகளுக்கு முன்பு செல்லாது என சொல்லப்பட்ட 1000 ரூபாய், 500 ரூபாய் நோட்டுகளையும் சேர்த்து வைத்துள்ளார்.

அவற்றை தற்போது மாற்ற முயன்றபோது அந்த நோட்டுகள் செல்லாது என அருகில் இருந்தவர்கள் தெரிவித்த நிலையில், தான் சேமித்து வைத்திருந்த பழைய நோட்டுகள் 20,000 ரூபாயை எடுத்துக் கொண்டு தனது வீட்டின் அருகில் இருந்தவரை அழைத்துக் கொண்டு, கரூர் மாவட்ட ஆட்சியர் அலுவலகத்தில் நடைபெறும் பொதுமக்கள் குறைதீர் கூட்டத்தில் மனு அளிக்க வந்திருந்தார்.

காத்திருந்த மூதாட்டியிடம் மனுவினை பெற்றுக் கொண்ட மாவட்ட ஆட்சியர் பிரபு சங்கர், வீட்டிற்கு செல்லும் படியும், விசாரணை செய்து விட்டு பணத்தை மாற்றி தருவதாக கூறி அனுப்பி வைத்தார். தி.கார்த்திகேயன்,செய்தியாளர்.