மகாமாரியம்மன் கோவில் சித்திரை திருவிழா... அலகு குத்தி, பறவைக் காவடி எடுத்து வழிபட்ட பக்தர்கள் (படங்கள்)

  அருகே புனவாசிபட்டியில் மகாமாரியம்மன் கோவில் சித்திரை திருவிழாவை முன்னிட்டு குதிரை குலுக்கும், வானவேடிக்கை நிகழ்ச்சியுடன், ஆயிரக்கணக்கான பக்தர்கள் அங்க பிரதட்சனம், பறவைக் காவடி, அலகு குத்துதல் சிறப்பு நிகழ்ச்சி நடைபெற்றது.

கரூர் மாவட்டம், லாலாபேட்டை  அருகே புனவாசிப்பட்டியில் ஸ்ரீ மகா மாரியம்மன் ஆலயம் அமைந்துள்ளது.

கொரோனா காரணமாக கடந்த இரண்டு ஆண்டுகளுக்கு பிறகு மகா மாரியம்மன் கோவில்  திருவிழாவை முன்னிட்டு கடந்த 20 நாட்களுக்கு முன்பு கம்பம் நடும் விழாவுடன் திருவிழா துவங்கி நடைபெற்று வருகிறது.

20 நாட்களாக தொடர்ந்து  மண்டகப்படி சிறப்பு அபிஷேகம் தினந்தோறும் நடந்து வருகிறது. அதனைத் தொடர்ந்து லாலாபேட்டை காவிரி ஆற்றிலிருந்து குதிரையுடன் தீர்த்த குடம், பால்குடம் எடுக்கும் திருவிழா நடைபெற்றது.

இதில் புணவாசிப்பட்டி, நரசிங்கபுரம், காமாட்சிபுரம் உள்ளிட்ட பல்வேறு பகுதிகளைச் சேர்ந்த பத்தாயிரத்துக்கு மேற்பட்ட பக்தர்கள் காவிரி ஆற்றில் புனித நீராடி, பால்குடம், தீர்த்தக்குடம் எடுத்து வந்து அம்மனுக்கு சிறப்பு அபிஷேகம் செய்து வழிபட்டனர்.

அந்த நிகழ்வைத் தொடர்ந்து பங்காளிகள் ஊர் பொதுமக்கள் சார்பாக தினதோறும் மண்டகப்படி சிறப்பாக நடைபெற்றது. முக்கிய நிகழ்வாக தேர்பவனி,  குதிரை குலுக்கள் மற்றும் ஒரு மணி நேரம் சிறப்பாக வானவேடிக்கை நடத்துபவருக்கு தங்க மோதிரம் பரிசு அளிக்கப்பட்டது.

அதனைத் தொடர்ந்து ஆயிரக்கணக்கான பக்தர்கள் அங்கபிரதட்சணம் மற்றும் பறவைக்காவடி, அக்கினிச்சட்டி, அலகு குத்தி வந்தும். இந்நிகழ்ச்சியில் பத்துக்கு மேற்பட்ட கூர்மையான கத்தி உடம்பில் குத்திக்கொண்டும், நான்கு சக்கர வாகனங்களை அலகு குத்தி இழுத்து வருதல் உள்ளிட்ட நிகழ்ச்சிகள் நடைபெற்றது.

தொடர்ந்து 20 நாட்களுக்கு மேலாக நடைபெற்ற நிகழ்ச்சி சிறப்பாக முடிவு பெற்றது. நிகழ்ச்சிக்கு லாலாபேட்டை காவல் ஆய்வாளர் சுகந்தி தலைமையிலான காவல்துறையினர் பாதுகாப்பு பணியில் ஈடுபட்டனர்.

ஊர் பொது மக்களின் சார்பாக நடைபெற்ற மகா மாரியம்மன் திருவிழாவை முன்னிட்டு புணவாசிப்பட்டி, மகிளிப்பட்டி, லாலாப்பேட்டை, கரூர், திருச்சி, சென்னை உள்ளிட்ட மாநிலம் முழுவதும் இருந்து பல்லாயிரக்கணக்கான பக்தர்கள் கலந்து கொண்டு சாமி தரிசனம் செய்தனர். தி.கார்த்திகேயன்,செய்தியாளர்