பிரசித்தி பெற்ற ரத்தினகிரீஸ்வரர் திருக்கோவில் கிரிவலம்... பல்லாயிரக்கணக்கான மக்கள் பக்தி முழக்கம் (படங்கள்)

மாவட்டம், குளித்தலை அருகே அய்யர்மலையில் மலை உச்சியில் அமைந்துள்ள மிகவும் பிரசித்தி பெற்ற சுரும்பார் குழலி, ஸ்ரீ ரெத்தினகிரீஸ்வரர் திருக்கோயில் அமைந்துள்ளது.

இத்திருக்கோவில் பவுர்ணமி தோறும் பக்தர்கள் கிரிவலம் சென்று சுவாமி தரிசனம் செய்து வழிபடுவது வழக்கம்.

சித்ரா பௌர்ணமியை முன்னிட்டு  குளித்தலை, கரூர் மாவட்டம்  மற்றும் அதனைச் சுற்றியுள்ள வெளி மாவட்டமான திருச்சி, திண்டுக்கல், நாமக்கல் உள்ளிட்ட பகுதியை சசேர்ந்த பல்லாயிரக்கணக்கான பக்தர்கள், பொதுமக்கள் பலரும் அய்யர்மலையை சுற்றி சுமார் 5 கிலோமீட்டர் நீளமுள்ள கிரிவலப் பாதையை ஓம் நமச்சிவாயா ஓம் நமச்சிவாயா பக்தி முழங்க சுற்றி வந்து சுவாமி தரிசனம் செய்து வழிபட்டனர்.

கிரிவல பாதையை சுற்றி வந்த பக்தர்களுக்கு பல்வேறு தன்னார்வலர்கள் புளி சாதம், பொங்கல்,  எழுமிச்சை சாதம், வெஞ் பிரியாணி என பல்வேறு உணவு வகைகள் அன்ன தானம் வழங்கப்பட்டது.

சித்ரா பவுர்ணமி முன்னிட்டு கிரிவலப் பாதையை சுற்றி குளித்தலை கோட்ட காவல் துணை கண்காணிப்பாளர் தலைமையில் நூற்றுக்கும் மேற்பட்ட காவல்துறையினர் பாதுகாப்பு பணியில் ஈடுபட்டனர்.                                     செய்தியாளர் : தி.கார்த்திகேயன்,