கோவை தெற்கு தொகுதியில் போட்டியிடும் மக்கள் நீதி மய்யம் கட்சியின் தலைவர் கமல்ஹாசன் மக்களுடன் மக்களாக தேர்தல் பிரசாரத்தில் ஈடுபட்டார். கோவை தெற்கு தொகுதி பந்தயசாலை, ராமநாதபுரம் உள்ளிட்ட பகுதிகளில் நடைபயணம் மேற்கொண்ட அவர் அப்பகுதி மக்களிடம் கலந்துரையாடினார். லாரிப்பேட்டையுள்ள மீன் மார்க்கெட் பகுதியில் உள்ளவர்களை சந்தித்து வாக்கு சேகரிப்பில் ஈடுபட்டார் கமல். அரசு பேருந்தில் பயணம் செய்த கமல்ஹாசன் தனது தொகுதி மக்களின் குறைகளைக் கேட்டறிந்தார். ஆட்டோவில் பயணித்த கமல்ஹாசனைப் பார்த்த வாகன ஓட்டிகள் மகிழ்ச்சியடைந்தனர். ஆட்டோவில் பயணித்த கமல்ஹாசன் தன்னை அழைத்து வந்த ஆட்டோக்காரரது நோட்டில் கையொப்பமிட்டுக் கொடுத்த கமல்ஹாசன் பயணத்துக்கான தொகையும் செலுத்தினார். பின்னர் ஆட்டோ ஓட்டுநர் உடன் புகைப்படம் எடுத்துக் கொண்டார் கமல். தேடிவந்து அன்பையும், ஆதரவையும் தெரிவிக்கும் கோவை மக்களின் அன்பில் நெகிழ்கிறேன் என்று கமல்ஹாசன் தனது ட்விட்டர் பதிவில் தெரிவித்துள்ளார். அரசு பேருந்தில் ஏறும் கமல் ஆட்டோ ஓட்டுநர் உடன் கமல்ஹாசன்
