Koovagam : கூவாகம் கோயில் திருவிழா : தாலி கட்டிக் கொள்ளும் நிகழ்வு (படங்கள்)

மாவட்டம் உளுந்தூர்பேட்டை அடுத்துள்ள கூவாகம் கிராமத்தில் இந்துக்களின் புராண நூல்களில் ஒன்றான மகாபாரதத்தை நினைவுறுத்தும் வகையில் அமைந்துள்ள கூத்தாண்டவர் கோயிலில் ஆண்டுதோறும் சித்திரை திருவிழா வெகு விமர்சையாக நடைபெறுவது வழக்கம்.

மகாபாரதப் போரை குறிக்கும் வகையில் சம்பர்தாயங்களோடு சித்திரை திருவிழா கடந்த 5-ம் தேதி சாகை வார்த்தல் மறுநாள் கொடியேற்றத்துடன் தொடங்கியது.

விழாவில் முக்கிய நிகழ்வான தாலி கட்டிக் கொள்ளும் நிகழ்வு இன்று நடைபெற்றது

இதில் தமிழகம் மட்டுமின்றி மும்பை டெல்லி கொல்கத்தா பெங்களூர் உட்பட பல்வேறு மாநிலங்களைச் சேர்ந்த திருநங்கைகள் கலந்துகொண்டு மணப்பெண் போல் தங்களை அலங்கரித்து அரவானை கணவராக ஏற்றுக்கொண்டு பூசாரி கையால் தாலி கட்டி கொண்டனர்.

பின்னர் இரவு முழுவதும் கும்மியடித்து ஆடிப்பாடி மகிழ்ந்து பின் அதிகாலையில் நடைபெறும் திரு தேரோட்டத்தில் அரவானை தரிசனம் செய்து தங்கள் தாலியை துறந்து விதவை கோலத்தில் தங்கள் சொந்த ஊருக்கு திரும்பி செல்வார்கள் மறுநாள் தர்மர் பட்டாபிஷேகத்துடன் சித்திரை திருவிழா நிறைவடைகிறது.

இந்த திருவிழாவிற்காக இந்தியாவின் பல்வேறு மாநிலங்களைச் சேர்ந்த திருநங்கைகள் வருகை புரிந்தனர். அவர்கள் நம்மிடம் கூறுகையில் கடந்த இரண்டு ஆண்டுகளாக கொரோனா போன்ற கொடிய நோய்களால் திருவிழா தடைப்பட்டுப் போனதாகவும் அதனால் நாங்கள் மிகவும் மன வருத்தத்தில் இருந்ததாகவும் இந்த ஆண்டு திருவிழா மீண்டும் நடைபெறுவதால் நாங்கள் மிக சந்தோஷம் அடைகிறோம் இது எங்களுக்கான திருவிழா. இரவு தாலி கட்டி மறுநாள் தாலியை தொடர்ந்து செல்லும் போதும் நாங்கள் சந்தோசமாக செல்வோம் எனவும் கூறினர்.

விழாவின் முக்கிய நிகழ்ச்சியான திருநங்கைகள் கோவில் பூசாரி கைகளால் தாலி கட்டிக்கொள்ளும் நிகழ்ச்சி இன்று நடைபெற்றது.

தமிழகம், கேரளா, ஒரிசா, கர்நாடகா என பல்வேறு  மாநிலங்களைச் சேர்ந்த திருநங்கைகளும் இரண்டு ஆண்டுகளுக்குப் பின்பு கோவிலுக்கு வந்து தங்களின் இஷ்ட தெய்வமான அரவான் என்றழைக்கப்படும் கூத்தாண்டவரை வணங்கி பூசாரிகளின் கைகளால் தாலி கட்டிக்கொண்டு ஒருவரை ஒருவர் சந்தித்து பேசியும் கும்மியடித்து தங்கள் மகிழ்ச்சியை வெளிப்படுத்தினர்.

கூத்தாண்டவர் தேர் பவனி நடைபெறும்  பொழுது தங்கள் தாலியை துறந்து வெள்ளை புடவை அணிந்து தங்கள் கைகளில் அணிந்திருந்த வளையல்களை பூசாரிகள் கையால் உடைத்தவாறும் செல்லும் நிகழ்ச்சியும் தற்பொழுது நடைபெற்று வருகிறது.  படங்கள் : செய்தியாளர் - செந்தில்குமார்  (கள்ளக்குறிச்சி)