கள்ள நோட்டுகளை புழக்கத்தில் விட முயன்ற 4 பேர் கைது...தென்காசி போலீசார் விசாரணை

தென்காசி மாவட்டத்தில் கள்ள நோட்டுகளை புழக்கத்தில் விட முயன்ற  4 பேர் கைது செய்யப்பட்டுள்ளனர்.

அவர்களிடம் இருந்து 15,97,400 ரூபாயை பறிமுதல் செய்த தென்காசி போலீசார் விசாரணை மேற்கொண்டு வருகின்றனர்.

தென்காசி மாவட்டத்தில் கள்ள நோட்டுகளை புழக்கத்தில் விட முயன்றதாக போலீசாருக்கு ரகசிய தகவல் கிடைத்துள்ளது.. இதன் அடிப்படையில், போலீசார் ரோந்து பணியில் ஈடுபட்டுள்ளனர்.

அப்போது, சந்தேகத்திக்கிடமான வகையில் முஹமது பதுஷா (40),வீரசேகரலிங்கம் (30), மாரி செல்வராஜ் (35),சுடலை(50) ஆகிய 4 பேரை பிடித்து விசாரணை மேற்கொண்டுள்ளனர்.

விசாரணையில், தென்காசி மாவட்ட பகுதியில் கள்ள நோட்டுகளை புழக்கத்தில் விட முயற்சித்தாக தெரிய வந்துள்ளது. இதையடுத்து அவர்களிடமிருந்து 15,97,400, கள்ள ரூபாய் நோட்டுகளை போலீசார் பறிமுதல் செய்துள்ளனர்.