உயிருக்கு போராடிய பெண் யானையை காப்பாற்றிய வனத்துறையினர்...

உயிருக்கு போராடிய 4 வயது மதிக்கத்தக்க பெண் யானையை வனத்துறையினர் சிகிச்சையளித்து காப்பாற்றியுள்ளனர்.

ஈரோடு மாவட்டம் தாளவாடி அடுத்த பாரப்பட்டி கிராமம் காப்புக்காடு வனப்பகுதியில் வேட்டை தடுப்பு காவலர்கள் வழக்கமான ரோந்து பணியில் ஈடுபட்டனர்.

அப்போது ஒரு நான்கு வயது மதிக்கத்தக்க பெண் யானை உடல்நிலை சரியில்லாமல் ஒரே இடத்தில் படுத்து இருப்பதை பார்த்தனர்.

உடனடியாக ஆசனூர் வனத்துறைக்கு தகவல் தெரிவிக்கப்பட்டது. கால்நடை மருத்துவர் சதாசிவம் வன பாதுகாப்பு படை வனச்சரக அலுவலர் ஆகியோர் வரவழைக்கப்பட்டு 4 மணி நேரத்திற்கு மேலாக யானைக்கு உணவு பண்டங்கள் மற்றும் மருந்து குளுக்கோஸ் ஆகியவற்றை செலுத்தி யானைக்கு சிகிச்சை அளிக்கப்பட்டது.

4 மணி நேரத்திற்கு சிகிச்சை அளிக்கப்பட்டு யானை மெதுவாக எழுந்து வனப்பகுதிக்குள் சென்றது. தொடர்ந்து அந்த யானையை கண்காணிக்க தனி குழு அமைக்கப்பட்டு யானையின் நிலைமையை வனத்துறையினர் கண்காணித்து வருகின்றனர்.