பறவைக் காய்ச்சல் எதிரொலியால் சரியும் முட்டை கொள்முதல் விலை..

பறவைக் காய்ச்சல் எதிரொலியாக நாமக்கல் மண்டலத்தில் முட்டை விலை 25 காசு குறைக்கப்பட்டுள்ளது.

தேசிய முட்டை ஒருங்கிணைப்புக் குழுவின் நாமக்கல் மண்டல ஆலோசனைக் கூட்டம் நடைபெற்றது.

இந்த கூட்டத்தில், கேரளா மற்றும் வட மாநிலங்களில் ஏற்பட்டுள்ள பறவைக் காய்ச்சலால் மக்களிடையே ஒருவித தயக்கம் காணப்படுவதால் முட்டை விலையை சற்று குறைக்கலாம் என பண்ணையாளர்கள் தரப்பில் வலியுறுத்தப்பட்டது.

அதனை ஏற்று 25 பைசா குறைக்கப்பட்டது. ஏற்கெனவே 5 ரூபாய் 10 காசுகளாக இருந்த முட்டை கொள்முதல் விலை தற்போது 4 ரூபாய் 85 காசுகளாக சரிந்திருக்கிறது.