சமயபுரம் கோவிலுக்கு துர்கா ஸ்டாலின் பாதயாத்திரை சென்று சாமி தரிசனம்!

தமிழக முதல்வர் மு.க.ஸ்டாலினின் மனைவி துர்கா , க்கு இரண்டு நாள் விசிட் அடித்துள்ளார். திருச்சியில் உள்ள ஆன்மீக திருத்தலங்களில் அவர் வழிபாடு மேற்கொண்டுள்ளார். முதல்வர்  ஸ்டாலினின், மனைவியின் இந்த திருச்சி விசிட்டின் போது முதன்மை செயலாளர் கே.என்.நேரு குடும்பத்தினர் உடனிருந்தனர்.

சமயபுரம் மாரியம்மன் கோயில், ஸ்ரீரங்கம், உறையூர் வெக்காளியம்மன் கோயிலுக்கு சென்று மனமுருகி பிரார்த்தனை செய்துள்ளார். இதுகுறித்து கட்சியினர் யாருக்கும் பெரிதாக எந்த தகவலும் தெரிவிக்கப்படவில்லை. உறவினர்களுடன் வந்து சாமி தரிசனம் செய்துள்ளார் துர்கா ஸ்டாலின்.

தமிழக முதல்வர் ஸ்டாலினின், மனைவி துர்கா ஸ்டாலின் சமயபுரம் மாரியம்மன் கோவிலுக்கு நடந்து சென்று தனது வேண்டுதலை நிறைவேற்றியுள்ளதாக தகவல் வெளியாகியுள்ளது. இந்த விவகாரம் தான் தற்போது அரசியல் களத்தில் பரபரப்பாக பேசப்பட்டு வருகிறது.

சென்னையில் இருந்து கார் மூலம் திருச்சி சமயபுரம் சுங்கச்சாவடி வந்த துர்கா ஸ்டாலின், அங்கிருந்து சுமார் 2 கிலோ மீட்டர் தொலைவில் உள்ள சமயபுரம் மாரியம்மன் கோவிலுக்கு பாதயாத்திரையாக சென்றுள்ளார். அம்மன் சன்னிதியில் பிரார்த்தனை செய்தவர், தனது குடும்பத்தினர் பெயரில் அர்ச்சனையும் செய்துள்ளார்.

துர்கா ஸ்டாலின் எதற்காக பாதயாத்திரையாக சென்றார் என திமுக நிர்வாகிகளிடம் விசாரித்ததில் சட்டமன்றத் தேர்தல் பிரச்சாரத்தின் போது ‘விடியலுக்கான முழக்கம்’ என்ற பெயரில் திருச்சி சிறுகனூரில் திமுக மாநாடு நடந்தது. மாநாடுக்கு வந்திருந்த துர்கா ஸ்டாலின், தன் கணவர் தமிழக முதல்வராக வேண்டும் என சமயபுரம் மாரியம்மனிடம் வேண்டுதல் வைத்துள்ளார்.

நடந்து முடிந்த சட்டமன்றத்தேர்தலில் திமுக வெற்றி பெற்று மு.க.ஸ்டாலின், தமிழக முதல்வராக பதவியேற்றுள்ளார். இதனையடுத்து தற்போது துர்கா ஸ்டாலின் பாதயாத்திரையாக வந்து சமயபுரம் மாரியம்மனை தரிசித்து சென்றதாக’ கூறினர்.