சட்டப்பேரவையில் ’கல கல’ வார்த்தை கிரிக்கெட் விளையாடிய உறுப்பினர்கள்!

ஜிஎஸ்டி-யால் தமிழ்நாட்டுக்கு ஏற்பட்ட அநீதிகளை நாடாளுமன்றத்தில் அதிமுகவின் தம்பிதுரை பேசியது குறித்து கேள்வி எழுப்பிய எதிர்க்கட்சி தலைவர் ஸ்டாலின், தம்பிதுரையின் கருத்து அவரது சொந்த கருத்தா? அல்லது மாநில அரசின் கருத்தா என கேள்வி எழுப்பினார்.

சட்டப்பேரவையில் முதலமைச்சர் பழனிச்சாமி சிக்சர் மேல் சிக்சராக அடித்து வருகிறார் என்று அதிமுக சட்டமன்ற உறுப்பினர் செம்மலை தெரிவித்தார்.

அப்போது பேசிய திமுக உறுப்பினர் பொன்முடி, சிக்சர் மேல் சிக்சராக முதலமைச்சர் அடிப்பதாக செம்மலை சொல்கிறாரே, ஆனால் எதிர்க்கட்சி தலைவர் ஸ்டாலின் போடும் பந்து, ஆளுங்கட்சியை அவுட்டாக்கிவிடும் என கூறினார்.

அது நிச்சயமாக நோ - பால் ஆகும் என ஜெயக்குமார் உடனடியாக கவுன்டர் கொடுத்தார்.

அப்போது குறுக்கிட்டு பேசிய அமைச்சர் தங்கமணி, மைதானத்துக்குள் வந்து வீசும் பந்து தான் கணக்கில் எடுத்துக்கொள்ளப்படும், ஆனால் எதிர்க்கட்சித் தலைவர் ஸ்டாலின் இன்னும் மைதானத்துக்கு உள்ளேயே வராமல் பந்தை வீசிக் கொண்டிருப்பதாக கூறினார். இதனால், அவையில் சிறிது நேரம் சிரிப்பொலி எழுந்தது.