வனப்பகுதியில் தண்ணீர் மற்றும் உணவு பற்றாக்குறை..விவசாய நிலங்களுக்கு படையெடுத்த மயில் கூட்டங்கள்- தோகை விரித்தாடி உற்சாகம்

தருமபுரி மாவட்டத்தில் அரூர் மற்றும் பாப்பிரெட்டிபட்டி வனப் பகுதிகளை ஒட்டியுள்ள இடங்களில் அதிக அளவில் மயில்கள் சுற்றி திரியும். தற்பொழுது கோடை தொடங்கியுள்ளதால் வனப்பகுதிகளில் நீர் நிலைகள் தண்ணீரின்றி வற்ற தொடங்கியுள்ளன.

அதேபோல் வனப் பகுதிகளில் உணவு தட்டுப்பாடு காரணமாக வனவிலங்குகள் வனப்பகுதியை ஒட்டியுள்ள விவசாய நிலங்களுக்கு உணவு தேடியும் தண்ணீர் தேடியும் வெளிய வர தொடங்கியுள்ளது. அதேபோல் மயில்கள் பல்வேறு இடங்களுக்கு பறந்து செல்ல ஆரம்பித்தது.

தற்போது கடத்தூர், ஒடசல்பட்டி, தருமபுரி உள்ளிட்ட பல்வேறு இடங்களில் உள்ள விவசாய நில பகுதிகளில் மயில்கள் கூட்டம் கூட்டமாக உணவு தேடி அலைகிறது.

தருமபுரி நகரை ஒட்டியுள்ள அன்னசாகரம் பகுதியில் உள்ள விவசாய நிலங்களில் தினமும் மாலை நேரங்களில் 20க்கும் மேற்பட்ட மயில்கள் கூட்டமாக சுற்றித் திரிகிறது.  இது காண்போரை கவரும் வகையில் இந்த வண்ண மயில் கூட்டம் வலம் வருகிறது.

மேலும் விளை நிலங்களில் உள்ள தானியங்களை உட்கொண்டு ஆனந்தமாக சுற்றி திரிகிறது. தொடர்ந்து இன்று உணவு தேடிக் கொண்டிருந்த மயில் கூட்டத்தில் இருந்த ஒரு ஆண் மயில்கள் தோகை விரித்து ஆடியது.

சுமார் ஒரு மணி நேரமாக விட்டுவிட்டு மயில் தோகை விரித்தாடியது. மயில் தோகை விரித்தாடிய அழகிய காட்சியை, அந்த பகுதியில் இருந்த மக்கள் கண்டு ரசித்தனர்.

மேலும் மழை வரும் சூழலில், மேகம் கருத்தால், மயில் தொகை விரித்தாடும். ஆனால் தருமபுரியில் 100 டிகிரியை தாண்டி வெப்பம் வீசும் வேளையில் மயில் தொகை விரித்தாடியது. கடந்த சில மாதங்களாக உலா வரும் மயில்கள், மழைக் காலத்தில் கூட, தோகை விரித்தாடியதில்லை தற்பொழுது மயில்கள் தொகை விரித்து ஆனந்தமாய் விளையாடியதாக, பொதுமக்கள் தெரிவித்தனர்.  செய்தியாளர் : ஆர்.சுகுமாா், தருமபுரி