- sponsored by
விருதுநகர் மாவட்டம் சிவகாசியில் மூடப்பட்டுள்ள ஆயிரத்துக்கும் மேற்பட்ட பட்டாசு ஆலைகளை மீண்டும் திறக்க வேண்டும் எனக்கோரி பட்டாசு உற்பத்தியாளர்கள் இரண்டாவது நாளாக காத்திருப்பு போராட்டத்தில் ஈடுபட்டனர். (படம்: செந்தில் - செய்தியாளர்)
இந்தியாவிலேயே பட்டாசு உற்பத்தி செய்யப்படும் ஒரே இடம் சிவகாசி.<br />பட்டாசு உற்பத்தி தொழிலை நம்பி பல்லாயிரக்கணக்கான தொழிலாளர்கள் இங்கு வாழ்ந்து வருகின்றனர். (படம்: செந்தில் - செய்தியாளர்)
பேரியம் நைட்ரேட் இல்லாமல் பட்டாசு உற்பத்தி செய்ய வேண்டும் என்ற உச்ச நீதிமன்றத்தின் உத்தரவால் சிவகாசியில் உள்ள 1070 பட்டாசு ஆலைகள் கடந்த ஆண்டு தீபாவளி பண்டிகைக்கு பின்னர் மூடப்பட்டன. (படம்: செந்தில் - செய்தியாளர்)
பட்டாசுகளுக்கு விதிக்கப்பட்ட தடையை நீக்க மத்திய அரசு நடவடிக்கை எடுக்க வேண்டும், பட்டாசு தொழிலுக்கு காற்று மாசு, சுற்றுச்சூழல் அனுமதி ஆகியவற்றிலிருந்து விலக்கு அளிக்க வேண்டும் உள்ளிட்ட கோரிக்கைகளை வலியுறுத்தி உற்பத்தியாளர்களும் தொழிலாளர்களும் போராட்டம் நடத்தி வருகின்றனர். (படம்: செந்தில் - செய்தியாளர்)
அரசு நேற்று அறிவித்த 2,000 ரூபாய் தங்களுக்கு வேண்டாம் என்றும் தொழிலாளர்கள் தெரிவித்துள்ளனர். (படம்: செந்தில் - செய்தியாளர்)
பட்டாசு ஆலை பிரச்னை குறித்து மாநிலங்களவையில் திமுக எம்.பி. திருச்சி சிவா இன்று கவன ஈர்ப்பு தீர்மானம் கொண்டு வந்து பேசினார். பட்டாசு தொழிலுக்கு சுற்றுச்சூழல் அனுமதி பெறுவதில் இருந்து விலக்கு அளிக்க வேண்டும் எனவும் வலியுறுத்தினார். (படம்: செந்தில் - செய்தியாளர்)
பட்டாசு உற்பத்தி தொழிலுக்கு மாசு கட்டுப்பாட்டு வாரியம் விலக்கு அளிக்கும் வகையில் தமிழக அரசு சட்டசபையில் சிறப்பு தீர்மானம் இயற்ற வேண்டும் என்று பட்டாசு உற்பத்தியாளர்கள் வேண்டுகோள் விடுத்துள்ளனர். (படம்: செந்தில் - செய்தியாளர்)
அரசு இதுவரை தங்களிடம் பேச்சுவார்த்தை நடத்த முன் வராத நிலையில் நாளையும் போராட்டம் தொடரும் என அறிவித்துள்ளனர். (படம்: செந்தில் - செய்தியாளர்)
