ஸ்ரீரங்கம் கோவிலில் சித்திரை திருவிழா: பல்லாயிரக்கணக்கான பக்தர்கள் பங்கேற்பு

பூலோக வைகுண்டம் என பக்தர்களால் போற்றப்படுவதுமான, ஸ்ரீரங்கம் கோவிலில் ஆண்டுதோறும் விருப்ப திருநாள் எனப்படும் சித்திரை திருவிழா வெகுவிமரிசையாக கொண்டாடப்பட்டு வருகிறது.  (படம்: கதிரவன் - திருச்சி)

அதன்படி இந்த வருடம் கடந்த ஏப்ரல் 25-ம் தேதி கொடியேற்றத்துடன் தொடங்கியது.(படம்: கதிரவன் - திருச்சி)

10நாட்கள் நடைபெறும் சித்திரை திருவிழாவின் போது நம்பெருமாள் கருடவாகனம், யாளிவாகனம், யானை வாகனம், தங்க குதிரை வாகனம், பூந்தேர், கற்பகவிருட்சவாகனம் என தினசரி பல்வேறு வாகனத்தில் எழுந்தருளி வீதிஉலாவந்து பக்தர்களுக்கு அருள்பாலித்துவந்தார்.(படம்: கதிரவன் - திருச்சி)

விழாவின் முக்கிய நிகழ்வான சித்திரை தேரோட்டம் 9-ம் நாளான இன்று வெகுவிமரிசையாக நடைபெற்றது. (படம்: கதிரவன் - திருச்சி)

முன்னதாக நம்பெருமாள் அதிகாலை மூலஸ்தானத்திலிருந்து புறப்பட்டு அலங்கரிக்கப்பட்ட பெரியதிருத்தேரில் எழுந்தருளி பக்தர்களுக்கு அருள்பாலித்தார். (படம்: கதிரவன் - திருச்சி)

பின்னர் பக்தர்கள் ரெங்கா, ரெங்கா என பக்திகோஷமிட்டவாறு தேரை வடம்பிடித்து இழுத்துச் சென்றனர். (படம்: கதிரவன் - திருச்சி)

தேரானது 4சித்திரை வீதிகளில் வலம்வந்து மூலஸ்தானம் சென்றடைந்தது. இதில் திருச்சி, பெரம்பலூர், அரியலூர், கரூர், புதுக்கோட்டை என பல மாவட்டங்களிலிருந்து பல்லாயிரக்கணக்கான பக்தர்கள் கலந்துக்கொண்டு நம்பெருமாளை தரிசனம் செய்தனர். (படம்: கதிரவன் - திருச்சி)

சித்திரை தேரின்போது நம்பெருமாளை வழிபட்டால் திருமணத்தடை நீங்கும், சகலதோஷங்களும் நீங்கும் என்பது ஐதீகம் என்பதால் பெருந்திரளானோர் தீபம் ஏற்றி, தேங்காய் உடைத்து வழிபாடு செய்தனர். (படம்: கதிரவன் - திருச்சி)

மேலும் பக்தர்கள் நம்பெருமாளை தரிசனம் செய்வதற்காகவும், வடம்பிடித்து இழுத்துச் செல்லவும் போலீசாரால் பலத்த பாதுகாப்பு ஏற்பாடுகள் பலப்படுத்தப்பட்டிருந்தது. (படம்: கதிரவன் - திருச்சி)

விழாவிற்கான ஏற்பாடுகளை அறநிலையத்துறை மற்றும் கோவில்நிர்வாகம் சார்பில் செய்யப்பட்டிருந்தது. (படம்: கதிரவன் - திருச்சி)

400-க்கும் மேற்பட்ட போலீசார் பாதுகாப்பு பணியில் ஈடுபட்டுள்ளனர். ஆங்காங்கே உயர் கோபுரங்கள் அமைக்கப்பட்டு கண்காணிக்கப்பட்டு வந்தனர் .(படம்: கதிரவன் - திருச்சி)

திருவிழாவின் போது அசம்பாவித சம்பவங்கள் ஏற்பட்டால் தயார் நிலையில் 5-க்கும் மேற்பட்ட மருத்துவ குழுக்களும் ஆம்புலன்ஸ்களும் மற்றும் தீயணைப்பு வாகனங்களும்  நிறுத்தப்பட்டிருந்தனர். (படம்: கதிரவன் - திருச்சி)

இந்த சித்திரை தேர் திருவிழாவை முன்னிட்டு மாவட்ட ஆட்சியர் சிவராசு உள்ளூர் விடுமுறை அறிவித்தார்.  (படம்: கதிரவன் - திருச்சி)

பக்தர்கள் பாதுகாப்பாக சென்று வருவதற்காகவும் ஆங்காங்கே தடுப்புகள் அமைக்கப்பட்டு மாநகராட்சி நிர்வாகம் மாவட்ட நிர்வாகம் சார்பில் ஆங்காங்கே குடிநீர் தொட்டிகள் மற்றும் தற்காலிக கழிப்பறை வசதிகளை ஏற்படுத்தி உள்ளனர். (படம்: கதிரவன் - திருச்சி)

(படம்: கதிரவன் - திருச்சி)

(படம்: கதிரவன் - திருச்சி)

(படம்: கதிரவன் - திருச்சி)

கோவிலுக்கு வரும் பக்தர்களுக்கு நேர்த்திக்கடனாக பலரும் தேர் சென்ற பிறகு ஆங்காங்கே அன்னதானங்களும் வழங்கினர். (படம்: கதிரவன் - திருச்சி)

(படம்: கதிரவன் - திருச்சி)

(படம்: கதிரவன் - திருச்சி)

வெகு விமர்சையாக ஸ்ரீ ரங்கத்தில் இன்று சித்திரை தேர்திருவிழா கொண்டாடப்பட்டது. (படம்: கதிரவன் - திருச்சி)