பெண்களின் பாதுகாப்பை உறுதி செய்ய பேனிக் பட்டன், சிசிடிவி... சென்னை மாநகர பேருந்துகளில் பொருத்தம்

மாநகரப் பேருந்துகளில் பெண்களின் பாதுகாப்பை உறுதிசெய்யும் முயற்சியாக 510 பேருந்தில் பானிக்  பட்டன் பொருத்தப்பட்டுள்ளது. இதேபோல், சிசிடிவி கேமராவும் பெருத்தப்பட்டுள்ளது.  விரைவில் 2,800 மாநகர அரசு பேருந்துகளில் இந்த பேனிக் பட்டன் வசதி விரிவுப்படுத்தப்படும் என்று கூறப்படுகிறது.

நிர்பயா கார்ப்பஸ் நிதியிலிருந்து   சென்னை மாநகர அரசு பேருந்துகளில் பெண் பயணிகளின் பாதுகாப்பை மேம்படுத்துவதற்காக முதல் கட்டமாக  500 மாநகர பேருந்துகளில் பேனிக் பட்டன் (panic button) பொருத்தும் பணியை சென்னை பெருநகர போக்குவரத்து கழகம் துவக்கியுள்ளது.

சென்னை மாநகரில் பள்ளி மற்றும் கல்லூரி பெண்கள் அதிகம் பயணிக்கும் பகுதிகளை இணைக்கும் வழித்தட அரசு பேருந்துகளில் CCTV கேமராவோடு இந்த panic buttan அபாய ஒலி எழுப்பும் பாதுகாப்பு சாதனம்  ஒருங்கிணைந்த GPS கருவியோடு பேருந்துகளில் பொருத்தப்பட்டு வருகிறது.

இதில் தடம் எண்கள் 25 (அண்ணா சதுக்கம்-பூந்தமல்லி), 76V (கோயம்பேடு-சிறுசேரி)மற்றும் 70V (பெருங்களத்தூர்-கோயம்பேடு) போன்ற வழித்தட எண் கொண்ட சென்னை மாநகர பேருந்தில் பொருத்தப்பட்டுள்ளன. விரைவில், இந்த திட்டம் நகரின் அனைத்து அதாவது 2,800 மாநகர அரசு பேருந்துகளில் விரிவுபடுத்தப்படவுள்ளது.

(பீதி பொத்தான்) Emergency panic button அழுத்தியதும், பல்லவன் சாலையில் உள்ள MTC தலைமையகத்தில் உள்ள கட்டுப்பாட்டு மையத்திற்கு எச்சரிக்கை அனுப்பப்படும் என்றும் அதன் மூலமாக பேருந்தில் பொருத்தப்பட்டுள்ள சிசிடிவி கேமராக்கள் மூலம் மையத்தில் உள்ள  கண்காணிப்பு குழுவினர் நேரலை வீடியோ காட்சிகளைக் கண்காணித்து, உடனடியாக காவல்துறை கட்டுப்பாட்டு அறைக்கு எச்சரிக்கையை அனுப்ப முடியும், இதனால் அருகிலுள்ள எந்த ஒரு ரோந்து வாகனமும் எந்த நேரத்திலும் அந்த பேருந்தை உடனடியாக வந்தடைய முடியும்.

குறிப்பாக பெண்களின் சுய பாதுகாப்பு நோக்கத்திற்காக பல மொபைல் செயலிகள்பயன்பாடுகளில் இருந்தாலும், பதிலளிப்பு நேரம் மிக அதிகமாக உள்ளது மற்றும் எச்சரிக்கை சம்பந்தப்பட்ட அதிகாரிகளை அடையும் முன் குற்றவாளி அந்த இடத்திலிருந்து தப்பிச் செல்லும் வாய்ப்பும் உள்ளது.

பெண்களின் பாதுகாப்புக்கு மட்டுமின்றி, பேருந்து நடத்துனர்கள் மற்றும் பயணிகளுக்கு இடையே ஏற்படும் மோதலில் தவறு செய்பவர்களை கண்டறியவும் இந்த புதிய கருவி உதவும் என போக்குவரத்து ஆர்வலர்கள் தகவல் தெரிவிக்கின்றன. Panic button பற்றிய விழிப்புணர்வை அரசு உருவாக்க வேண்டும் என்று ஆர்வலர்கள் கூறுகின்றனர்.

தமிழகத்தில் கடந்த சில  மாதத்தில் அரசு பேருந்துகளில் நடந்த நிகழ்வுகள் அரசுக்கு பெரும் அவமானத்தையும், தலைகுனிவையும் ஏற்படுத்தி உள்ளதன. பழங்குடியினர் சமூகமான நரிக்குறவர் சமூகத்தைச் சேர்ந்த பயணிகளை நடத்துனர் பேருந்திலிருந்து இறக்கிவிட்ட சம்பவம் பெரும் சர்ச்சையானது. அதேபோல் மீன் வியாபாரம் செய்யும் பெண்ணை மீன் வாடை வீசுவதாக கூனி அவமானப்படுத்தி பேருந்தில் இருந்து கியே இறக்கி விட்ட சம்பம் வைரலானது. இவற்றை தடுக்கும் விதமாகவும் இந்த நடவடிக்கை எடுக்கப்பட்டுள்ளதாக கூறப்படுகிறது.   செய்தியாளர் - கண்ணியப்பன் - அம்பத்தூர்