மருத்துவர் வி. சாந்தாவின் அரிய புகைப்படத் தொகுப்பு!

தமிழ்நாடு மட்டுமின்றி இந்திய மக்கள் அனைவரின் மனதிலும் நீங்கா இடம் பிடித்தவர் மருத்துவர் சாந்தா

விருதுகள் மூலம் கிடைக்கும் பணம் முழுவதையும், மருத்துவமனையின் வளர்ச்சிக்காவே அவர் செலவிட்டுள்ளார்.

மருத்துவமனை ஊழியர்களிடமும், நோயாளிகளிடமும் அன்போடும் கனிவோடும் பழகி வந்த சாந்தா, திருமணமே செய்துகொள்ளாமல் மருத்துவ சேவைக்காக தன்னை அர்ப்பணித்துக் கொண்டார்.

மருத்துவமனையிலேயே சிறிய அறையில் தங்கியிருந்து, மிக எளிமையான வாழ்க்கையையே அவர் வாழ்ந்து வந்தார்.

சென்னை அடையாறு புற்றுநோய் மருத்துவமனை தலைவரும், சமூக சேவகருமான மருத்துவர் வி. சாந்தா

மருத்துவர் சாந்தா தன் வாழ்நாள் முழுவதையும் புற்றுநோயால் பாதிக்கப்பட்டவர்களை மீட்டெடுக்கும் பணிக்கு ஓய்வின்றி அர்ப்பணிப்புடன் பணியாற்றி மக்களின் அன்பை பெற்றவர்.

1927ஆம் ஆண்டு மார்ச் 11ஆம் தேதி, சென்னை மயிலாப்பூரில் பிறந்தார் சாந்தா. விஞ்ஞானி சர்.சி.வி.ராமன் இவர் தாத்தாவின் சகோதரர்.

நோபல் பரிசு பெற்ற விஞ்ஞானி டாக்டர் எஸ்.சந்திரசேகர் இவரின் தாய்மாமா. சென்னை மருத்துவக் கல்லூரியில் 1949 ஆம் ஆண்டு டாக்டர் பட்டமும், 1955 ஆம் ஆண்டில் எம்.டி. பட்டமும் பெற்றார் சாந்தி

அடையாறு மருத்துவமனையை உலகத் தரம்வாய்ந்த, புற்றுநோய் சிகிச்சை மையமாக மாற்றுவதில் பெரும் பங்கு ஆற்றினார்.

உலக சுகாதார நிறுவனத்தின் ஆலோசனைக் குழுவில் இடம்பெற்றிருந்த சாந்தா, இந்திய வேளாண் ஆய்வுக்கழக குழுவின் உறுப்பினராகவும், அண்ணா பல்கலைக்கழகத்தின் சிண்டிகேட் உறுப்பினாகவும், இந்திய புற்றுநோயியல் கழகத் தலைவராகவும் இருந்து சிறப்பான முறையில் பணியாற்றியுள்ளார்.

தேசிய மற்றும் சர்வதேச இதழ்களில் புற்றுநோய் தொடர்பாக ஏராளமான கட்டுரைகளை எழுதியுள்ளார் மருத்துவர் சாந்தா.

புற்றுநோய்க்கு புதிய மருந்துகள் அல்லது புதிய மருத்துவ முறைகள் எங்கு கண்டுபிடிக்கப்பட்டாலும், அதனை அடையாறு புற்றுநோய் மருத்துவமனையில் அறிமுகம் செய்வதை கடமையாகக் கொண்டிருந்தவர் மருத்துவர் சாந்தா.

நோயாளிகளுக்கு தாயாக இருந்து பணியாற்றிவரின் மறைவு ஈடு செய்ய முடியாத இழப்பாகும்.