கருப்புப் புடவை: காங்கிரஸுக்கு ஆதரவா? சபாநாயகர் அப்பாவு கிண்டல்.. வானதி சீனிவாசன் விளக்கம்!

தமிழக சட்டப்பேரவைக்கு எம்.எல்.ஏ வானதி சீனிவாசன் கருப்பு புடவையில் வந்தது குறித்து விளக்கமளித்துள்ளார்.

காங்கிரஸ் முன்னாள் தலைவர் ராகுல் காந்தியின் எம்.பி பதவி பறிக்கப்பட்டத்தை  கண்டித்து காங்கிரஸ் சட்டமன்ற உறுப்பினர்கள் இன்று சட்டப்பேரவைக்கு கருப்பு சட்டை அணிந்தும் கையில் பதாகைகளுடனும்  வந்தனர்.

மத்திய அரசுக்கு எதிராக நேரம் இல்லா நேரத்தில் தீர்மானமும் கொண்டு வர உள்ள சூழ்நிலையில் தற்போது பேரவை நிகழ்வுகளில் கலந்து கொண்டுள்ளனர்.

இந்நிலையில் சட்டப்பேரவை நிகழ்வுகளை கலந்து கொள்ள வந்த பாஜக சட்டமன்ற உறுப்பினர் வானதி சீனிவாசன் கருப்பு புடவையுடன் பேரவைக்கு வந்ததை தொலைக்காட்சி ஒளிப்பதிவாளர்கள் பதிவு செய்தனர். இதனை கண்ட வானதி சீனிவாசன் " தெரியாமல் இன்று கருப்பு புடவை அணிந்து வந்து விட்டேன்" என புன்னகைத்தபடியே உள்ளே சென்றார்.

தொடர்ந்து சட்டப்பேரவையில் வினா விடை நேரத்தில் வானதி சீனிவாசன் கேள்வி கேட்க முனைந்த போது சபாநாயகர் காங்கிரஸ் உறுப்பினர்கள் கருப்பு உடைகள் வந்திருக்கிறார்கள் அவர்களோடு சேர்ந்து நீங்களும் கருப்பு உடைகள் வந்து விட்டீர்களோ என நினைத்தேன் என கிண்டல் செய்தார்.

அதற்கு பதில் அளித்த வானதி சீனிவாசன் எமர்ஜென்சி காலத்தில் தமிழ்நாட்டில் தலைவர்கள் எவ்வளவு கஷ்டப்பட்டார்கள் என்பதை நினைவுப்படுத்த கருப்பு சேலையில் வந்தேன் என கூறியுள்ளார்.