சென்னையில் இருந்து வெளியூர் செல்ல விமான கட்டணம் பல மடங்கு உயர்வு

தீபாவளிப் பண்டிகையை முன்னிட்டு யில் இருந்து வெளியூர் செல்வதற்கான விமானக்கட்டணம் பல மடங்கு உயர்ந்துள்ளது. கொரோனா கட்டுப்பாடுகள் படிப்படியாக நீங்கிய நிலையில், சென்னையில் பல அலுவலகங்கள் முழுவீச்சில் இயங்குகின்றன.

இந்நிலையில் தீபாவளி பண்டிகை வருவதால் பலர், தங்கள் சொந்த ஊர்களுக்கு செல்ல விமானங்களுக்கு அதிக அளவில் முன்பதிவு செய்துவருகின்றனர். . இதனால் விமானக்கட்டணம் பல மடங்கு உயர்ந்துள்ளது. குறிப்பாக சென்னையில் இருந்து டெல்லி மற்றும் மும்பைக்கு அதிகளவில் செல்ல மக்கள் ஆர்வம் காட்டுவது தெரியவந்துள்ளது.

சென்னை டெல்லிக்கு ஒரு வழி விமான கட்டணம் 3000 ரூபாயாக இருக்கும் நிலையில், தற்போது 7700 முதல் 11 ,000உயர்ந்துஉள்ளது. இதேபோல் சென்னை மும்பை கட்டணம் 6000ரூபாயில் இருந்து 9000 ரூபாய் வரை உயர்ந்துள்ளது. இதேபோல் பெங்களூரு செல்வதற்கான கட்டணமும் இருமடங்காக உயர்ந்துள்ளது.

மேலும் சென்னையில் இருந்து தமிழகத்தின் தென் மாவட்டங்கள் செல்ல விமான கட்டணங்களும் பல மடங்கு உயர்ந்துள்ளது. வழக்கமாக 2000 ரூபாய் முதல் 3000 ரூபாய்க்குள் இருக்கும் சென்னை- திருச்சி இடையேயான ஒருவழி விமான கட்டணம் தற்போது 7000  ரூபாயாக உயர்ந்துள்ளது.

மதுரைக்கு செல்வதற்கான கட்டணமும் பல மடங்கு உயர்ந்துள்ளது. கொரோனாவுக்கு முன் இருந்த நிலை, திரும்பியுள்ளதாக விமான டிக்கெட் முன்பதிவு மையங்கள் தெரிவிக்கின்றன.