கத்திரி வெயில் இன்றுடன் நிறைவு; இனி வெயிலின் தாக்கம் குறைய வாய்ப்பு

கடந்த மே 4-ஆம் தேதி தொடங்கிய அக்னி நட்சத்திரம் இன்றுடன் நிறைவு பெறுகிறது.

அக்னி நட்சத்திரம் தொடக்கத்தின் போது சற்று குறைந்து காணப்பட்ட வெப்பத்தின் தாக்கம், உம்பன் புயல் கரையை கடந்த பிறகு கடந்த ஒரு வாரமாக அதிகரித்து காணப்படுகிறது.

கடந்த 10 நாட்களாக வட தமிழகத்தின் பல்வேறு மாவட்டங்களிலும் வெப்பத்தின் தாக்கம் அதிகரித்து காணப்படுகிறது.

மேலும் தமிழகத்தின் பல மாவட்டங்களில் 100 டிகிரி பாரன்ஹீட்டுக்கு மேல் வெப்பம் பதிவாகி வருவது குறிப்பிடத்தக்கது.

ஜூன் மாதத்திற்கு பிறகுதான் இயல்பான வெப்பநிலை இருக்கும் என்று வானிலை ஆய்வு மையம் தெரிவித்துள்ளது.