ஆம்பூர் அருகே கோர விபத்து; பெண்கள், சிறுவர்கள் உட்பட 7 பேர் உயிரிழப்பு

ஆம்பூர் அருகே கார் டயர் வெடித்து சாலை ஓரம் நின்று கொண்டிருந்த லாரி மீது மோதி விபத்துக்குள்ளானதில் பெண்கள், சிறுவர்கள் உட்டபட 7 பேர் உயிரிழந்துள்ளனர்.

மகாராஷ்டிரா மாநிலத்தைச் சேர்ந்த மெல்வின் தேஷ்முக்  ரயில்வே  தலைமை காவலராக பணிபுரிந்து வந்தார். இவர் குடும்பத்துடன்  வேலூர் ஸ்ரீபுரம் பகுதியில் உள்ள தங்க கோயிலுக்கு சுற்றுலா சென்று மீண்டும் ஊர் திரும்பிக் கொண்டிருந்தார்.

ஆம்பூர் ஜமீன் தேசிய நெடுஞ்சாலையில் சென்று கொண்டிருந்த போது காரின் முன்பக்க டயர் வெடித்து சாலையோரம் நின்று கொண்டிருந்த லாரியின் பின்புறம் மோதி உள்ளது.

இந்த விபத்தில் காரில் பயணம் செய்த 2 பெண்கள், 2 சிறுவர்கள் என  7 பேர் நிகழ்விடத்திலேயே உயிரிழந்தனர். ஆம்பூர் கிராமிய போலீஸார் மற்றும் வட்டாட்சியர் சுஜாதா தலைமையிலான அதிகாரிகள் மீட்பு பணியில் ஈடுபட்டு வருகின்றனர்.