மானாமதுரையில் 2-வது நாளாக 100 லிட்டர் கள்ளச்சாராயம் பறிமுதல்: ஒருவர் கைது

மானாமதுரை அருகே போலீசாரின் தொடர் சோதனையில் இரண்டாவது நாளாக 100லிட்டர் கள்ளச்சாராயம் பறிமுதல் செய்யப்பட்டுள்ளது. இதில் ஒருவர் கைது செய்யப்பட்டுள்ளார்.

நாடு முழுவதும் ஊரடங்கு உத்தரவு போடப்பட்டிருப்பதால் டாஸ்மாக் கடைகள் அனைத்தும் மூடப்பட்டுள்ளன. இந்நிலையில் குடி பழக்கம் உள்ளவர்கள் பலரும் மதுபாட்டில்களை தேடி அலைகின்றனர்.

இதனால் சில கிராமங்களில் பலரும் மீண்டும் சாராயம் காய்ச்ச தொடங்கியுள்ளனர்.

இந்நிலையில் மானாமதுரை அருகே மேலப்பிடாவூர் கிராமம் அருகே உள்ள ஆலமரத்தடி என்ற இடத்தில் காய்ச்சப்படுவதாக வந்த தகவலையடுத்து இன்று மானாமதுரை டிஎஸ்பி கார்த்திகேயன் தலைமையில் இன்ஸ்பெக்டர் சேது, சார்பு ஆய்வாளர் முத்துகிருஷ்ண்ன்ராஜா, நாகராஜ்,எஸ்.பி.தனிபிரிவு போலிசார் ராஜா ஆகியோர் நேரில் சென்று சோதனை நடத்தினர்.

இதில் மேலப்பிடாவூர் கிராமத்தை சேர்ந்த ராசு மகன் குமார்(39) கள்ளச்சாராயம் காய்ச்ச ஊறல் போடப்பட்டிருந்ததை கண்டு பிடித்து அவரை கைது செய்து ஊறலை கீழே கொட்டி அழித்தனர்.

மானாமதுரை சுற்றி உள்ள சில கிராமங்களில் சாராயம் காய்சுவதாக போலிசார் தகவல் கிடைத்தால் தீவிரமாக தேடி வருகின்றனர்.