தோனியின் ஹெலிகாப்டர் ஷாட்டை என்றும் மக்கள் நினைவில் கொள்வார்கள் - விஜயகாந்த் உருக்கம்

[caption id="attachment_333637" align="alignnone" width="875"] தோனியின் ஹெலிகாப்டர் ஷாட்டை தமிழக மக்கள் என்றும் நினைவில் கொள்வார்கள் என்று தே.மு.தி.க பொதுச் செயலாளர் விஜயகாந்த் தெரிவித்துள்ளார்.

சர்வதேச கிரிக்கெட் போட்டிகளிலிருந்து ஓய்வுபெறுவதாக இந்திய கிரிக்கெட் அணியின் முன்னாள் கேப்டன் தோனி நேற்று அறிவித்தார்.

அவருடைய அறிவிப்பு ரசிகர்களுக்கு பெரும் அதிர்ச்சியாக அமைந்தது. அவருடைய ரசிகர்கள், ட்விட்டரை கண்ணீரால் நிரப்பிவருகின்றனர். சர்வதேச கிரிக்கெட் போட்டியிலிருந்து ஓய்வுபெறும் தோனியின் அறிவிப்பு கிரிக்கெட் ரசிகர்களைக் கடந்து அரசியல் களத்தில் அதிர்வலைகளை ஏற்படுத்தியுள்ளது.

தோனியின் ஓய்வுபெறும் அறிவிப்புக்குபிறகு, மத்திய உள்துறை அமைச்சர் அமித்ஷா, துணை முதல்வர் ஓ.பன்னீர் செல்வம், எதிர்கட்சித் தலைவர் மு.க.ஸ்டாலின் உள்ளிட்ட அரசியல் தலைவர்கள்கூட தோனி குறித்த நினைவுகளைப் பகிர்ந்திருந்தனர்.

இந்தநிலையில், தே.மு.தி.க தலைவர் விஜயகாந்த்தும் தோனியின் ஓய்வு குறித்து கருத்து வெளியிட்டுள்ளார். அவருடைய ட்விட்டர் பதிவில், ‘தோனி அவர்கள் இளைஞர்களுக்கு வழிகாட்டும், ஊக்கப்படுத்தும் விதமாக பயிற்சி அகாடமி உருவாக்க வேண்டும். தோனியின் ஹெலிகாப்டர் ஷாட்டையும், சென்னை சூப்பர் கிங்ஸ் அணியின் கேப்டனாக பணியாற்றியதையும் தமிழக மக்கள் என்றும் நினைவில் கொள்வார்கள்.. "Captain Dhoni - A Cool and Great Captain"’ என்று குறிப்பிட்டுள்ளார்.