யூஎஸ் ஓபன் - முதல் முறையாக வாகைசூடிய டொமினிக் தீம்

நியூயார்க் நகரில் நடைபெற்ற  யூஎஸ் ஓபன் இறுதி போட்டியில் ஜெர்மன் வீரர் அலெக்சாண்டர் ஸ்வெரவை டொமினிக் தீம் எதிர்கொண்டார்.

தொடக்கத்தில் அதிரடியாக விளையாடிய ஸ்வெரவ் முதல் இரு செட்களில் முன்னிலை வகித்தார்.

அதன்பின் சுதாரித்துக் கொண்டு விளையாடிய டொமினிக் தீம் அடுத்தடுத்து மூன்று செட்களை கைப்பற்றினார்.

இதன்மூலம் டொமினிக் தீம் 2-6, 4-6, 6-4, 6-3, 7-6 என்ற செட் கணக்கில் வெற்றி பெற்று யுஎஸ் ஓபன் தொடரில் முதல் முறையாக வாகை சூடினார்.

இது அவரது முதலாவது கிராண்ட் ஸ்லாம் பட்டம் ஆகும். மேலும், யு.எஸ் ஓபனில் இறுதி போட்டியில் முதல் இரு செட்களில் பின் தங்கியிருந்து பட்டம் வென்ற இரண்டாவது வீரர் என்ற சாதனையை நிகழ்த்தினார்.

இதற்கு முன் 1949ம் ஆண்டு அமெரிக்க வீரர் பன்சோ கோன்சாலிஸ் முதல் இரு செட்களை இழந்துவிட்டு அதன்பின் வந்த செட்களை கைப்பற்றி பட்டம் வென்றது குறிப்பிடத்தக்கது.