14 ஆண்டுகால காதலியை விரைவில் கரம்பிடிக்கிறார் நடால்!

பிரபல டென்னிஸ் வீரர் ரபேல் நடால், 14 ஆண்டு காலமாக காதலித்து வந்த மேரி பெரேல்லோவை விரைவில் கரம் பிடிக்க இருக்கிறார். (Twitter)

சர்வதேச டென்னிஸ் தரவரிசையில் 2-ம் இடத்தில் இருப்பவர் ஸ்பெயினின் நட்சத்திர டென்னிஸ் வீரரான ரபேல் நடால். (Twitter/AusOpen)

32 வயதான இவர், இதுவரை 17 கிராண்ட்ஸ்லாம் பட்டங்களை வென்று அதிக கிராண்ட்ஸ்லாம் வென்றவர்கள் பட்டியலில் ரோஜர் பெடரருக்கு அடுத்தபடியாக 2-வது இடத்தில் உள்ளார். (Twitter)

நடால் சமீபத்தில் நடைபெற்ற ஆஸ்திரேலிய ஓபன் டென்னிஸ் தொடரின் இறுதிப்போட்டியில், செர்பியாவின் நோவாக் ஜோக்கோவிக்கிடம் தோல்வியடைந்தார். (Twitter)

பின்னர் நடால் பேட்டியளித்தபோது, தனது நீண்ட நாள் காதலியான மேரி பெரேல்லோவை, இந்த ஆண்டு இறுதியில் திருமணம் செய்துகொள்ள இருப்பதாக தெரிவித்தார். (Twitter)

நடால் விளையாடுவதைப் பார்ப்பதற்காக அவரது காதலி மேரி பெரேல்லோ பெரும்பாலான போட்டிகளில் ரசிகர்கள் உடன் சேர்ந்து நடாலை உற்சாகப்படுத்துவதை வழக்கமாக கொண்டிருந்தார். (Twitter)

டென்னிஸ் களத்தை தவிர்த்து பல இடங்களில் இருவரும் ஒன்றாக வலம் வந்தனர். (Twitter)

நடால் - மேரி பெரேல்லோவின் புகைப்படங்களில் சமூக வலைதளங்களில் வைரலாக பரவி வந்தன. (Twitter)

இதற்கிடையே, நடால் - மேரி பெரேல்லோ இருவருக்கும் கடந்த சில மாதங்களுக்கு முன்பு ரகசியமாக நிச்சயதார்த்தம் நடந்துவிட்டதாக தகவல் வெளியாகி இருந்தது. (Credit: INFphoto.com)

இந்நிலையில், நடால் தனது திருமணச் செய்தியை அறிவித்திருப்பது அவரது ரசிகர்கள் மத்தியில் மகிழ்ச்சியை ஏற்படுத்தியுள்ளது. (Twitter)