Photos: பத்ம விருதுகள் பெற்ற விளையாட்டு பிரபலங்கள்!

டேபிள் டென்னிஸ் விளையாட்டில் கடந்த 16 ஆண்டுகளில் 60-க்கும் மேற்பட்ட சர்வதேச பதக்கங்களை வென்று நாட்டிற்கு பெருமை சேர்ந்த தமிழக வீரர் சரத் கமல் அச்சந்தாவுக்கு குடியரசுத்தலைவர் ராம் நாத் கோவிந்த் பத்ம ஸ்ரீ விருது வழங்கினார்.

இந்தியக் கபடி அணியின் கேப்டனாக இருக்கும் அஜய் தாகூருக்கு பத்ம ஸ்ரீ விருது வழங்கப்பட்டது.

2018 காமென்வெல்த் மற்றும் ஆசிய விளையாட்டு மல்யுத்த போட்டிகளில் பஜ்ரங் புனியா தங்கம் வென்றிருந்தார். உலகச் சாம்பியன்ஷிப் தொடரில் வெள்ளியும், ஆசிய சாம்பியன்ஷிப் தொடரில் வெண்கலமும் வென்றிருந்தார். அவருக்கு குடியரசுத் தலைவர் பத்ம ஸ்ரீ விருது வழங்கி கவுரவித்தார்.

உலக செஸ் தரவரிசையில் சிறப்பான இடத்தைப் பெற்றவரும், பல சர்வதேச போட்டிகளில் இந்திய செஸ் அணிக்கு தலைமையேற்றவருமான ஹரிகா துரோணவள்ளிக்கு பத்ம ஸ்ரீ விருது வழங்கப்பட்டது.