கிராண்ட் பைனல்: ‘லயன்’ ஆன லியோனல் மெஸ்ஸி- இத்தாலியை ஊதி அர்ஜெண்டினா சாம்பியன்

வெம்பிலி ஸ்டேடியத்தில் நடைபெற்ற இத்தாலி- அர்ஜெண்டினா அணிகளுக்கு இடையிலான கிராண்ட் பைனல் போட்டியில் அர்ஜெண்டினா 3-0 என்ற கோல்கள் கணக்கில் இத்தாலியை வீழ்த்தி கோப்பையை வென்றது.

லா பினாலிஸ்ஸிமா என்று அழைக்கப்படும் இந்த கிராண்ட் பைனலில் இதற்கு முன்னால் அர்ஜெண்டினாவுக்காக வென்றவர் மறைந்த கால்பந்து மேதை டீகோ மரடோனா.

கோப்பா அமெரிக்கா சாம்பியன் பட்டத்துக்குப் பிறகு 11 மாதங்களில் லியோனல் மெஸ்ஸி இன்னொரு கோப்பையை வென்று சாதனை படைத்தார்.

அர்ஜென்டினாவின் 10வது எண் ஜெர்சிக்கு இந்த வெற்றியின் சிறப்பு என்னவெனில், கடைசி லா ஃபினாலிசிமா ஹோல்டர் மற்றொரு அர்ஜென்டினா நம்பர் 10, அவர் ஒரு டியாகோ மரடோனா

ஐரோப்பிய மற்றும் தென் அமெரிக்க சாம்பியன்களின் இந்த சந்திப்பில் லியோனல் மெஸ்ஸி ஆட்ட நாயகனாக தேர்வு செய்யபப்ட்டார், கோப்பா அமெரிக்காவில் தொடர் நாயகனாக தேர்வானவர் லியோனல் மெஸ்ஸிதான்.

அசிஸ்ட் என்பார்களே அதாவது கோல் அடிப்பது முக்கியமல்ல, கோல் போட உதவுவது அந்த வகையில் 45 பைனல்களில் 46 முறை அசிஸ்ட் செய்து அசத்தியுள்ளார் லியோனல் மெஸ்ஸி.

அவரது மின்னல் வேக ஆட்டம் இன்னும் குறையவில்லை. ஐரோப்பிய சாம்பியன்களான இத்தாலிக்கு இந்த முறை தான் லயன் என்பதைக் காட்டினார் மெஸ்ஸி.

ஆட்டத்தின் 28வது நிமிடத்தில் இடது ஓரம் லயன் மெஸ்ஸியின் சிறுத்தைப் பாய்ச்சலில் பந்தை இத்தாலி வீரர் கியாவனி டி லாரென்ஸோவைத் தாண்டி கொண்டு சென்ற மெஸ்ஸி பந்தை மார்ட்டினேசிடம் அனுப்ப அவர் சும்மா கோல் வலைக்குள் அடித்தால் போதும், அவரும் அடித்தார் அர்ஜெண்டினா 1-0.

இடைவேளைக்கு சற்று முன்பு மார்ட்டினேஸ் அற்புதமாகப் பந்தைக் கொண்டு சென்று ஏஞ்செல் டி மரியாவிடம் கொடுக்க அவர் இத்தாலி கோல் கீப்பர் டோனருமாவைத் தாண்டி 2வது கோலாக மாற்றினார்.

3வது கோல் ஆட்டம் முடிய சில விநாடிகள் இருந்த போது வந்தது. அப்போது மெஸ்ஸி பாதி கிரவுண்டிலிருந்து மின்னல் வேகத்தில் பந்தைக் கொண்டு சென்று பெனால்டி ஏரியாவுக்குள் நுழைந்தார்.

மீண்டும் டி லாரென்சோவினால் மெஸ்சியை இடைமறிக்க முடியவில்லை, அங்கு பதிலி அர்ஜெண்டினா வீரர் பாவ்லோ டைபலா நிற்க அவர் கோலாக மாற்றினார் 3-0 என்று அர்ஜெண்டீனா வென்றது.

கடந்த ஆண்டு இதே புல்வெளியில் யூரோ பட்டத்தை வென்ற இத்தாலியர்கள் வெம்ப்லி ஸ்டேடியத்திற்கு திரும்பி வேதனையான தோல்வியைச் சந்தித்தனர், ஆனால் மெஸ்ஸியிடம் தோற்றது அவர்களுக்கு வருத்தமளிக்காது என்றே கருத இடமுண்டு.

அர்ஜெண்டினா ஹீரோ லியோனல் மெஸ்ஸி கோப்பையுடன்

அணியுடன் வெற்றியையும் கோப்பையையும் கொண்டாடும் லியோனல் மெஸ்ஸி

மகிழ்ச்சியின் உச்சத்தில் லியோனல் மெஸ்ஸி மற்றும் அர்ஜெண்டினா அணி.