#AusOpen2019: நடாலை வீழ்த்தி ஜோகோவிச் சாம்பியன்!

ஒவ்வோர் ஆண்டின் தொடக்கத்தில் நடைபெறும் முதல் கிராண்ட்ஸ்லாம் டென்னிஸ் தொடர் ஆஸ்திரேலிய ஓபன். இந்தப் போட்டியில் பல்வேறு நாடுகளைச் சேர்ந்த முன்னணி வீரர், வீராங்கனைகள் பங்கேற்றுள்ளனர். (Twitter/AusOpen)

ஆடவருக்கான ஒற்றையர் பிரிவு இறுதிப் போட்டியில் 17 கிராண்ட்ஸ்லாம் பட்டங்களை வென்றவரும், தரவரிசையில் 2-வது நிலையில் இருப்பவருமான ஸ்பெயினின் ரஃபேல் நடால், 14 கிராண்ட்ஸ்லாம் பட்டங்களை வென்றவரும், தரவரிசையில் முதல் இடத்தில் இருப்பவருமான செர்பியாவின் நோவாக் ஜோகோவிச் உடன் பலப்பரீட்சை நடத்தினார். (Twitter/AusOpen)

போட்டியின் முதல் புள்ளியை எடுத்து ஜோகோவிச் கணக்கைத் தொடங்கினார். (Twitter/AusOpen)

தொடர்ந்து ஆக்ரோசமாக விளையாடிய ஜோகோவிச், நடாலை புள்ளிகள் எடுக்கவிடாமல் திணறடித்தார். (Twitter /AusOpen)

முதல் செட்டில் ஒரே ஒரு சர்வீஸ் புள்ளியை மட்டும் தவறவிட்ட ஜோகோவிச், அந்த செட்டை 6-3 என்ற கணக்கில் கைப்பற்றினார். (Twitter/AusOpen)

2-வது செட்டின் ஒரு கட்டத்தில் 2-1 என நடால் முன்னிலை வகித்தார். (Twitter/AusOpen)

பின்னர், சுதாரித்துக்கொண்ட ஜோகோவிச், தனது தாக்குதல் ஆட்டத்தால் அடுத்த 2 செட்களையும் 6-2 6-3 என்ற புள்ளிகள் கணக்கில் கைப்பற்றினார். (Twitter/AusOpen)

நேர் செட்டில் வெற்றி பெற்ற ஜோகோவிச், தனது 7-வது ஆஸ்திரேலிய ஓபன் பட்டத்தை வென்றார். (Twitter/AusOpen)

ஒட்டுமொத்தமாக, ஜோகோவிச் தனது 15-வது கிராண்ட்ஸ்லாம் பட்டத்தை வென்றார். இதன்மூலம், அதிக கிராண்ட்ஸ்லாம் பட்டம் வென்றவர்கள் பட்டியலில் அவர் 3-வது இடத்திற்கு முன்னேறினார். (Twitter/AusOpen)