வரலாறு படைத்தார் பொலார்ட்: டி20-யில் அசாத்திய மகுடம்

நேற்று நடந்த ஐபிஎல் 2021 தொடரின் 42வது போட்டியில் பஞ்சாப் கிங்ஸ் அணிக்கு எதிராக கிரிக்கெட் சாதனைகள் வரலாற்றுப் புத்தகத்தில் இடம்பெற்றார் மும்பை இந்தியன்ஸின் மே.இ.தீவுகள் வீரர் கெய்ரன் பொலார்டு.

டி20 கிரிக்கெட்டின் புதிய மகுடமாக 10,000 ரன்கள் 300 விக்கெட் என்ற டபுள் சாதித்த முதல் வீரர் என்ற வரலாற்றை நிகழ்த்தினார் கெய்ரன் பொலார்ட்

மிக முக்கியமாக பந்து வீச்சில் அதிரடி வீரர் கிறிஸ் கெய்ல் விக்கெட்டை பொலார்ட் வீழ்த்தினார், இது உண்மையில் மும்பை வெற்றியில் மிகப்பெரிய பங்களிப்பு செய்தது.

இதைவிடவும் முக்கியமாக பஞ்சாப் கிங்ஸ் கேப்டன் கே.எல்.ராகுல் விக்கெட்டையும் பொலார்டு வீழ்த்தினார்.

இதனையடுத்து 300வது விக்கெட்டை டி20-யில் பொலார்ட் கைப்பற்றினார்.

இதன் மூலம் டி20 கிரிக்கெட் வரலாற்றில் 10,000 ரன்கள் 300 விக்கெட் என்ற சாதனையை நிகழ்த்திய முதல் வீரர் என்ற பெருமையை பெற்றார்.

பொலார்டின் ஆட்டத்தையே மாற்றிய இந்த ஓவரினால் பஞ்சாப் முதல் பவர் ப்ளேயின் முடிவில் 50/4 என்று ஆனது.

பொலார்டு ஒரு ஓவர்தான் வீசினார் 8 ரன்கள் 2 விக்கெட்டைக் கைப்பற்றி அசத்தினார். ஐபிஎல் தொடரில் 175 போட்டிகளில் ஆடியுள்ளார் பொலார்ட்.

பொலார்ட் முதன் முதலில் 2010-ல் டெல்லி டேர் டெவில்ஸ் அணிக்கு எதிராக அறிமுக ஐபில் போட்டியில் ஆடினார்.

அன்று முதல் மும்பை இந்தியன்ஸ் அணியின் மிக மிக முக்கிய வீரர் என்பதோடு சூப்பர் ஸ்டார் வீரராகவும் திகழ்கிறார் பொலார்ட்.