சில வீரர்கள் ஐபிஎல் டி20-யுடன் முடிந்து விடுவார்கள், ஆனால் ஆடும் அணிக்கு மிகவும் விசுவாசமாக சில உண்மையான வெற்றி இன்னிங்ஸ்களை ஆடுவார்கள். அந்த வகையில் நேற்று சன் ரைசர்ஸ் அணி கொல்கத்தாவை வீழ்த்தியதில் ராகுல் திரிபாதியின் 37 பந்து 71 ரன்கள் உண்மையில் தன்னலமற்ற ஒரு இன்னிங்ஸ் ஆகும்.
2/ 15
திரிபாதி அய்டன் மார்க்ரம் (68) உடன் இணைந்து 9 ஓவர்களில் 94 ரன்களை விளாசியதால் கொல்கத்தாவின் 176 ரன்கள் இலக்கை சன் ரைசர்ஸ் 17.5 ஓவர்களில் 7 விக்கெட்டுகள் வித்தியாசத்தில் எடுத்து அபார வெற்றி பெற்றது.
3/ 15
இந்த வெற்றியை அடுத்து சன் ரைசர்ஸ் அணி புள்ளிகள் அட்டவணையில் ராஜஸ்தான், பஞ்சாப், கொல்கத்தா, லக்னோ, ஆர்சிபி ஆகிய அணிகளுடன் 6 புள்ளிகளில் 2ம் இடத்துக்கான கடும் போட்டியில் உள்ளது. இந்த வெற்றி சன் ரைசர்ஸின் தொடர்ச்சியான 3வது வெற்றியாகும்.
4/ 15
அபிஷேக் சர்மா சோபிக்காமல் வெளியேறினார், கேன் வில்லியம்சன் கொஞ்சம் தடுமாறி கடைசியில் 3 பவுண்டரிகளுடன் 17 ரன்களில் ரஸல் பந்தை வாங்கி ஸ்டம்பில் விட்டுக் கொண்டு வெறுப்புடன் வெளியேறினார்.
5/ 15
ஒரு விதத்தில் கொல்கத்தா தோற்க வருண் சக்ரவர்த்திதான் காரணம். 3 ஓவர்களில் 45 ரன்களைக் கொடுத்தார், இதில் 3 பவுண்டரி 4 சிக்சர்கள் அடங்கும். இரண்டு டாட் பால்கள் மட்டுமே என்றால் பார்த்துக்கொள்ளலாம் சாத்துப்படியை.
6/ 15
முன்னதாக கொல்கத்தா அணியும் 31/3 என்ற நிலையிலிருந்து இன்னொரு ஐபிஎல் தியாகி வீரர் நிதிஷ் ராணாவின் 36 பந்து 54 ரன்களிலும் ஆந்த்ரே ரஸலின் 25 பந்து காட்டடி 49 ரன்களிலும் 175 ரன்களை எட்டியது.
7/ 15
சன் ரைசர்ஸ் அணியில் மீண்டுமொருமுறை டி.நடராஜன் அதியற்புதமாக வீசி ஒரே ஓவரில் 2 விக்கெட் உட்பட 37 ரன்களுக்கு 3 விக்கெட்டுகளைக் கைப்பற்றினர்.
8/ 15
அதிவேக பவுலர் உம்ரன் மாலிக் ஷ்ரேயஸ் அய்யர் ஸ்டம்பை பெயர்த்தது கண்கொள்ளாக் காட்சி, இவர் 4 ஓவர் 27 ரன் 2 விக்கெட். மார்கோ யான்சென் 4 ஓவர் 26 ரன் ஒரு விக்கெட் என்று சிக்கனம் காட்டினார்.
9/ 15
அன்று முன்னாள் கொல்கத்தா வீரர் குல்தீப் யாதவ் டெல்லி கேப்பிடல்ஸ் அணிக்காக கொல்கத்தாவை கும்மும் கும்மென்று கும்மினார், நேற்று இதே கொல்கத்தா முன்னாள் வீரர் ராகுல் திரிபாதி கும்மிவிட்டார் கும்மி.
10/ 15
திரிபாதி இறங்கியவுடன் உமேஷ் யாதவ், கமின்சை பவுண்டரி விளாசினார், பிறகு ரசலை ஒரு அதியற்புத புல் ஷாட் சிக்ஸ் விளாசி அவரையே வாயைப் பிளக்க வைத்தார்.
11/ 15
அறிமுக வீச்சாளர் அமானை ஒரு சிக்ஸ் ஒரு பவுண்டரி அடித்த ராகுல் திரிபாதி வருண் சக்ரவர்த்தியை எக்ஸ்ட்ரா கவர் திசையில் பொளந்து கட்டிவிட்டார், அதே பகுதியில் இரண்டு அருமையான லாஃப்டட் சிக்ஸ், ஒரு பவுண்டரி, அந்த ஓவரில் வருண் 18 ரன்கள் கொடுத்தார்.
இவர் அடித்தது போதாதென்று 2வது ஓவரில் மார்க்ரமும் வருணை சிக்ஸ், பவுண்டரி அடித்தார், கடைசியில் மேட்சை 20 ஓவர் வரை கொண்டு செல்லக் கூடாது என்ற அவசர கதியில் ராகுல் திரிபாதி முடிக்க நினைத்து ரஸலிடம் ஆட்டமிழந்தார்.
14/ 15
ஆனால் அப்போது கூட 6 ஓவர்களில் சன் ரைசர்ஸுக்கு 49 ரன்கள் வெற்றிக்குத் தேவை. பூரன் இறங்கினார், ஆனால் மார்க்ரம், வருணை மீண்டும் ஒரு சிக்ஸ், ஒரு பவுண்டரி விளாசினார். 31 பந்துகளில் அரைசதம் விளாசிய மார்க்ரம் 18வது ஓவரில் கமின்ஸை சிக்சராக பொளந்து வெற்றியை துரிதப்படுத்தினார்,
15/ 15
மார்க்ரம் 36 பந்துகளில் 6 பவுண்டரி 4 சிக்சர்களுடன் 68 ரன்கள் எடுத்து நாட் அவுட்டாகத் திகழ்ந்தார், பூரன் 5 ரன்கள் எடுத்து நாட் அவுட். பாட் கமின்ஸ் 3.5 ஓவர் 40 ரன்களுக்கு விளாசப்பட்டார். சுனில் நரைன் மட்டுமே 4 ஓவர் 23 ரன் என்று சிக்கனம் காட்டினார். ஆட்ட நாயகன் ராகுல் திரிபாதி
