IPL 2022 SRH vs LSG - எந்த நிலையிலிருந்தும் தோற்போம் என்று உறுதி பூண்ட சன் ரைசர்ஸ்

ஐபிஎல் 2022 லக்னோ சூப்பர் ஜெயண்ட்ஸ் அணிக்கும் சன் ரைசர்ஸுக்கும் நடந்த போட்டியில் லக்னோவின்தீபக் ஹூடா, கே.எல். ராகுல் மற்றும் அவேஷ் கான் ஆகியோர் முன்னிலை வகித்தனர், லக்னோ சூப்பர் ஜெயண்ட்ஸ் சன்ரைசர்ஸ் ஹைதராபாத் அணிக்கு எதிராக 12 ரன்கள் வித்தியாசத்தில் வெற்றி பெற்றது, ஐபிஎல் 2022 இல் முதலில் பேட்டிங் செய்யும் அணிகளின் அதிர்ஷ்டம் தொடர்ந்தது.

சன்ரைசர்ஸ் தனது துரத்தலை உறுதியாகத் தொடங்கியது, மூன்று ஓவர்களுக்குப் பிறகு விக்கெட் இழப்பின்றி 21 ரன்கள் எடுத்தது, கேன் வில்லியம்சன் மூன்றாவது ஓவரில் ஹோல்டரின் பந்தை ஒரு ஸ்கூப் மூலம் விக்கெட்டுக்குப் பின்னால் ஒரு பிரமாதமான சிக்ஸரை அடித்தார்.

ஆனால் வில்லியம்சனின் ஃபார்ம் அசுரத்தனமாகத் தோன்றத் தொடங்கியபோது - நான்காவது ஓவரின் தொடக்கத்தில் ஆவேஷை கவர் பாயின்ட் பவுண்டரிக்கு நான்குக்கு விளாசினார் வில்லியம்சன் - ஆனால் ஷார்ட் ஃபைன் லெக் மீது மற்றொரு ஸ்கூப் ஷாட் முயற்சியில் ஆவேஷ் கான், கேன் வில்லியம்சனை அவுட் செய்தார்.

மற்றொரு தொடக்க ஆட்டக்காரரான அபிஷேக் ஷர்மா, ஆவேஷின் அடுத்த ஓவரில் விழுந்தார், ஒரு ஸ்லோ பந்தில் பெரிய ஹிட் அடிக்க முயன்றார், அப்போது சன்ரைசர்ஸ் 2 விக்கெட்டுக்கு 40 ரன்களில் பவர்பிளேயை முடித்தது.

ராகுல் திரிபாதி 30 பந்துகளில் 44 ரன்கள் விளாசினார். ஆண்ட்ரூ டை ஓவரில் 3 பவுண்டரிகளை விளாசினார். ஆனால் குருணால் பாண்டியா வந்தார் வென்றார், ராகுல் திரிபாதியையும் எய்டன் மார்க்ரமையும் வீழ்த்தினார்.

அப்போது 4 விக்கெட்டுகள் இழந்த நிலையில் 41 பந்துகளில் 75 ரன்கள் வெற்றிக்குத் தேவைப்பட்டது. நிகோலஸ் பூரன் இறங்கினார் ரவி பிஷ்னோய் அவரை பாடாய்ப்படுத்தி தொடர்ந்து பீட் செய்தார். ஆனால் குருணால் பாச்சா பலிக்கவில்லை, சிக்ஸ் விளாசினார்.

15வது ஓவரில் ஹோல்டரை 2 பவுண்டரிகள் அடித்தார். ரவி பிஷ்னோயை ஒரு பவுண்டரி அடித்த பிறகு சன் ரைசர்ஸ் அணிக்கு 4 ஓவர்களில் 41 ரன்கள் வெற்றிக்குத் தேவைப்பட்டது.

டை பந்து வேகத்தில் செய்த மாற்றங்கள் சிக்கலை ஏற்படுத்தின. அவர் 17வது ஓவரில் எட்டு ரன்களை மட்டுமே விட்டுக்கொடுத்தார், அதன் ஒரு பவுண்டரி வாஷிங்டன் சுந்தர் அடித்த ஒரு லாஃப்ட் டிரைவ் வழியாக வந்தது.

பின்னர், சன்ரைசர்ஸ் அணிக்கு 18 பந்துகளில் இருந்து 33 ரன்கள் தேவைப்பட்ட நிலையில், பூரன் ஆவேஷின் பந்து வீச்சை சிக்ஸருக்கு அடித்தார் இது டாப் எட்ஜ். ஆனால் இந்த அதிர்ஷ்டம் இரண்டு பந்துகளுக்குப் பிறகு மாறியது, பூரன் ஒரு ஃபுல்-டாஸை நேராக லாங்-ஆஃப் கைகளில் அடித்தார். பிறகு ஆவேஷ் அதிரடி வீரர் அப்துல் சமது விக்கெட்டையும் வீழ்த்தினார்.

19வது ஓவரை ஆண்ட்ரூ டை சிறப்பாக வீசினார் ஆனால் ஒரு யார்க்கர் புல்டாஸாக மாற ஷெப்பர்ட் அதை சிக்ஸ் விளாச, கடைசி ஓவரில் 16 ரன்கள் தேவை என்ற நிலை இருந்தது. வாஷிங்டன் சுந்தர் சிக்ஸ் அடிக்கப்போய் லாங் ஆனில் கேட்ச் கொடுத்தார், பழைய விதியாக இருந்தால் ஷெப்பர்ட் கிராஸ் செய்திருப்பார், இப்போது முடியாது, புதிய பேட்டர்தான் ஆட வேண்டும். புவனேஷ்வர்தான் ஆட வேண்டும். இரண்டு சிங்கிள்களுக்குப் பிறகு புவனேஷ்வர் தூக்கிக் கையில் கொடுத்தார், வெற்றி பெறும் நிலையிலிருந்து தோற்பது எப்படி என்பதை சன் ரைசர்ஸ் அணியிடம் கற்றுக் கொள்ள வேண்டும்.