10 டாஸ்களில் ஒன்றை மட்டுமே வென்ற சஞ்சு, அஸ்வின் பந்துவீச்சை என்ன சேதி என்று கேட்கும் நிதிஷ் ராணா - கொல்கத்தா வெற்றிப் படங்கள்

தொடர் தோல்விகளுக்கு முற்றுப்புள்ளி வைக்கும் விதமாக நேற்று ஸ்ரேயஸ் அய்யர் தலைமை கொல்கத்தா அணி அதிரடி ராஜஸ்தான் ராயல்ஸ் அணியை 7 விக்கெட்டுகள் வித்தியாசத்தில் மிகப்பெரிய வெற்றியை ஈட்டியது.

டாஸ் மீண்டும் சஞ்சு சாம்சனுக்குப் போட்டுப் பார்த்தது. 10 டாஸ்களில் ஒன்றை மட்டுமே வென்ற ராஜஸ்தான் கேப்டன் சஞ்சு நேற்றும் டாஸைத் தோற்றார். ஜாஸ் பட்லர் 25 பந்துகளில் 22 ரன்கள் என்று கட்டுப்படுத்தப்பட்டார்.

படிக்கல் சுத்த வேஸ்ட் 2 ரன்னில் வெளியேறினார். சஞ்சு சாம்சன் மட்டுமே அணியை மீட்டெடுக்க வேண்டியதாயிற்று ஆனால் அவரும் ஒருநாள் போட்டி இன்னிங்ஸைத்தான் ஆட முடிந்ததே தவிர பெரிய அதிரடி காட்ட முடியவில்லை. அவர் 7 பவுண்டரி 1 சிக்சருடன் 49 பந்துகளில் 54 ரன்களையே எடுத்தார்.

கருண் நாயர் (13) தேறவில்லை. ரியான் பராக் 1 பவுண்டரி 2 சிக்ஸ் என்று வீறினாலும் 19 ரன்களில் வெளியேறினார் ,இவர் ஆட்டமிழந்த அடுத்த ஓவர் முதல் பந்தில் சஞ்சுவும் வெளியேறினார். கடைசியில் ஷிம்ரன் ஹெட்மையர் 13 பந்துகளில் 1 பவுண்டரி 2 சிக்ஸுடன் 27 ரன்கள் எடுத்தார். அதனால் 152/5 என்ற ஸ்கோரை எட்டியது

ராஜஸ்தான். கொல்கத்தா பந்து வீச்சில் 24 பந்துகளில் 17 டாட் பால்களுடன் 24 ரன் 1 விக்கெட். அங்குல் ராய் 4 ஓவர் 28 ரன் 1 விக்கெட், சுனில் நரைனை யாராவது அடிக்க முடியுமா என்ற ஏக்கமே வந்து விட்டது. 12 டாட் பால்களுடன் 19 ரன்களையே விட்டுக் கொடுத்தார்.

உமேஷ் யாதவ், அங்குல் ராய், சுனில் நரைன் ஆகியோரின் 12 ஓவர்களில் 71 ரன்கள் மட்டுமே வந்தது 2 விக்கெட்டுகளை இவர்கள் கைப்பற்றினர். இந்த மூவரின் 12 ஓவர்களில் 100 ரன்கள் எடுத்திருந்தால் இன்னொரு 30 ரன்கள் ராஜஸ்தானுக்குச் சேர்ந்திருக்கும் கொல்கத்தா தோற்றிருக்கும் ஏனெனில் கொல்கத்தா 3 விக்கெட்டுகளையே இழந்தாலும் 5 பந்துகளையே மீதம் வைத்து வெற்றி பெற்றது.

ராஜஸ்தான் டீம் செல்க்‌ஷன் படு மோசம், கருண் நாயர், படிக்கல் எல்லாம் தேற மாட்டார்கள், வான் டெர் டசன், அல்லது யாசஸ்வி ஜெய்ஸ்வால் போன்றோரை வைத்துக் கொள்ள வேண்டும். வெங்கடேஷ் அய்யர் சோபிக்கவில்லை என்பதால் ட்ராப் என்பது சரிதான்.

கொல்கத்தா விரட்டலில் பாபா இந்திரஜித் 15, ஏரோன் பிஞ்ச் 4 சொதப்ப 32/2 என்ற நிலையில் ஷ்ரேயஸ் அய்யர் மெதுவாகத்தான் ஆடினார் 32 பந்துகளில் 34 ரன்களைத்தான் சேர்த்தார், இவரும் ஐபிஎல் கிரிக்கெட்டுக்கென்றே பிறந்த வீரரான நிதிஷ் ரானாவும் இணைந்து ஸ்கோரை அடுத்த 7.1 ஓவர்களில் 93 ரன்களுக்குக் கொண்டு சென்றனர், அப்போது ஸ்ரேயஸ் அய்யர் போல்ட் பந்தில் சாம்சனிடம் கேட்ச் ஆகி ஆட்டமிழந்தார் பந்து கிளவ்வில் பட்டது ரீப்ளேயில் தெரிந்தது. புல் ஷாட் ஆடப்போய் அவுட் ஆனார்.

கடைசியில் ரிங்கு சிங் இறங்கி 6 பவுண்டரி 1 சிக்சருடன் 23 பந்துகளில் 42 விளாச நிதிஷ் ராணா 37 பந்துகளில் 3 பவுண்டரி 2 சிக்சர்களுடன் 48 நாட் அவுட் ஆக இருக்க குல்தீப் சென்னின் பந்தை அப்பர் கட் சிக்ஸ் அடித்து ரிங்கு சிங் வெற்றி ரன்களை எடுத்த போது 5 பந்துகளே மீதமிருந்தன.

ரிங்கு சிங்கும், ராணாவும் அஸ்வின், செஹல் கூட்டணி பவுலிங்கை விளாசினர். ராணா அஸ்வினை 14 பந்துகளில் 23 ரன்கள் விளாசினார், ஒட்டுமொத்தமாக அஸ்வினுக்கு எதிராக 52 பந்துகளில் இதுவரை அவரிடம் விக்கெட்டை கொடுக்காமலேயே 99 ரன்கள் எடுத்துள்ளார். ஆட்ட நாயகன் ரிங்கு சிங்.