IPL 2022: சாம்பியன் குஜராத் டைட்டன்ஸ் அணியை வரவேற்று உபசரித்த குஜராத் முதல்வர்

இந்தியன் பிரீமியர் லீக் (ஐபிஎல்) சாம்பியனான குஜராத் டைட்டன்ஸ் திங்கள்கிழமை அகமதாபாத் மக்களிடம் உற்சாகமான வரவேற்பைப் பெற்றது. ஹர்திக் பாண்டியா அணி திறந்தவெளி பேருந்து அணிவகுப்புடன் வெற்றியைக் கொண்டாடும் போது உள்ளூர் ரசிகர்கள் நகர வீதிகளில் திரளாகக் கூடினர்.

திறந்தவெளி பேருந்து அணிவகுப்பு உஸ்மான்புரா ஆற்றங்கரையில் தொடங்கி திங்கள்கிழமை மாலை அகமதாபாத்தில் உள்ள விஸ்வகுஞ்ச் ஆற்றங்கரையில் முடிவடைந்தது.

குஜராத் டைட்டன்ஸ் வீரர்கள் மற்றும் துணை ஊழியர்களை அம்மாநில முதல்வர் பூபேந்திரபாய் படேல் பாராட்டினார்.

அணிவகுப்பின் காட்சிகள் சமூக வலைதளங்களில் பகிரப்பட்டன. ஜிடி உரிமையாளர் ட்விட்டரில் மெகா கொண்டாட்டத்தின் சில படங்களை வெளியிட்டார்.

குஜராத் டைட்டன்ஸ் தொடக்க வீரர்களான ஷுப்மன் கில், விருத்திமான் சஹா இந்த உபசரிப்பின் வீடியோவை இன்ஸ்டாகிராமில் பகிர்ந்துள்ளனர்.

சென்னை சூப்பர் கிங்ஸுக்குப் பிறகு தங்கள் சொந்த மண்ணில் குஜராத் டைட்டன்ஸ் அணியே ஐபிஎல் கோப்பையை வென்றுள்ளது.

சமூக ஊடகங்களில் இந்த பேரணியின் சிலபல புகைப்படங்கள் வெளியாகியுள்ளன. குஜராத் டைட்டன்ஸ் சமூக ஊடகப்பக்கத்தில் அணிக்கு மக்கள் அளித்த உற்சாகம் முதல்வர் அளித்த வரவேற்பு என போட்டோக்களை அதகளப்படுத்தியுள்ளது.