IPL 2022 : தந்தை CEO, மாமனார் DGP... ஐபிஎல் தொடரின் நட்சத்திர கேப்டன் இவர்

ஐபிஎல் 2022 சீசன் இன்று (மார்ச் 26) தொடங்குகிறது மற்றும் இறுதி ஆட்டம் மே 29 ஆம் தேதி நடைபெறும். முதல் போட்டியில் சிஎஸ்கே - கேகேஆர் அணிகள் மும்பை வான்கடே மைதானத்தில் இன்று இரவு 7 மணிக்கு தொடங்குகிறது.

பஞ்சாப் கிங்ஸ் அணியின் கேப்டனாக மயங்க் அகர்வால் அறிவிக்கப்பட்டுள்ளார. ஏலத்திற்கு முன், பஞ்சாப், மயங்கை ரூ.12 கோடிக்கு தக்க வைத்துக் கொண்டது. பஞ்சாப் இன்னும் ஐபிஎல் கோப்பையை வெல்லவில்லை, எனவே மயங்கின் தோள்களில் பெரிய பொறுப்பு உள்ளது.

மயங்க் 16 பிப்ரவரி 1991 அன்று கர்நாடகாவின் பெங்களூரில் பிறந்தார். மயங்கின் தந்தை அனுராக் அகர்வால் ஒரு ஹெல்த்கேர் நிறுவனத்தின் தலைமை நிர்வாக அதிகாரி, அவரது தாயார் சுசித்ரா சிங் ஒரு இல்லத்தரசி.

ஊடக அறிக்கைகளின்படி, மயங்க் அகர்வாலின் நிகர மதிப்பு சுமார் 3.5 மில்லியன் டாலர்கள் அல்லது சுமார் ரூ.26 கோடி. இது பிசிசிஐ சம்பளம், ஐபிஎல் ஒப்பந்தம் மற்றும் தனிப்பட்ட வணிகம் ஆகியவற்றின் கலவையாகும்.

மயங்க் அகர்வாலுக்கு பெங்களூரில் சொகுசு டிசைனர் வீடும் உள்ளது. நாட்டின் பல்வேறு பகுதிகளில் அவருக்கு சொந்தமாக நிலம் மற்றும் வீடுகள் உள்ளன. மெர்சிடிஸ் எஸ்யூவி உள்ளிட்ட சொகுசு கார்களையும் வைத்துள்ளார்.

மயங்க் தனது சிறுவயது தோழியான அஷிதா சூட்டை ஜூன் 2018 இல் மணந்தார். அஷிதா தொழில் ரீதியாக வழக்கறிஞர். இருவரும் பள்ளியில் படிக்கும் காலத்திலிருந்தே நல்ல நண்பர்கள். இந்த நட்பு பின்னர் காதலாக மாறியது. அஷிதாவின் தந்தை பிரவீன் சூத் முன்பு போலீஸ் கமிஷனராக இருந்தவர், தற்போது கர்நாடகாவில் டிஜிபியாக உள்ளார்.

மயங்க் இதுவரை 16 டெஸ்டில் 4 சதம் மற்றும் 6 அரைசதங்கள் உட்பட 43.30 சராசரியில் 1,429 ரன்கள் எடுத்துள்ளார். டெஸ்டில் மயங்கின் அதிகபட்ச ஸ்கோர் 243 ஆகும். அவர் டெஸ்டில் 28 சிக்ஸர்கள் மற்றும் 178 பவுண்டரிகள் அடித்துள்ளார்.

இருப்பினும், மயங்கின் ODI வாழ்க்கை குறுகியது. அவர் இந்தியாவுக்காக 5 ஒருநாள் போட்டிகளில் விளையாடி 17.2 சராசரியில் 86 ரன்கள் எடுத்தார். 32 என்பது அவரது அதிகபட்ச ஸ்கோராகும்.

மயங்க் ஐபிஎல் தொடரில் 100 போட்டிகளில் விளையாடி 23.41 சராசரியில் 2,131 ரன்கள் எடுத்தார். ஐபிஎல் தொடரில் மயங்க் ஒரு சதம் மற்றும் 11 அரைசதங்கள் அடித்துள்ளார்.