எச்சிலுக்கு நோ... பந்தை இப்படியும் துடைக்கலாம்... கஷ்டப்படும் பந்துவீச்சாளர்கள் - வைரலாகும் புகைப்படங்கள்

கிரிக்கெட் போட்டியின் போது பந்துவீச்சாளர்கள் பந்தை வியர்வை கொண்டோ அல்லது எச்சில் கொண்டோ பளபளப்பாக்குவது வழக்கம். ஆனால், கொரோனோ வைரஸ் எச்சில் மூலம் பரவும் என்பதால் வீரர்கள் பந்தை எச்சில் மூலம் பளபளப்பாக்கும் செயலுக்கு ஐசிசி தடை விதித்துள்ளது.

சர்வதேச கிரிக்கெட் கவுன்சில் தலைமையிலான தொழில்நுட்ப குழு, மருத்துவ துறை தலைவருடன் வீடியோ கான்ஃபெரன்ஸ் மூலம் ஆலோசனை செய்து இந்த முடிவை எடுத்தனர்.

இதில், குறிப்பிட வேண்டிய விஷயம் என்னவென்றால், வியர்வை மூலம் கொரோனோ வைரஸ் பரவுவது உறுதி செய்யப்படாததால் வீரர்கள் வியர்வை மூலம் பந்தை பளபளப்பாக்க அனுமதி வழங்கப்பட்டுள்ளது.

இந்நிலையில் சென்னை டெஸ்ட் போட்டியில் பந்துவீச்சாளர்கள் பந்தை துடைக்க படாத பாடு படும் புகைப்படங்கள் இணையத்தில் வைரலாகி வருகின்றது.இங்கிலாந்து அணி இந்தியா சுற்றுப்பயணம் மேற்கொண்டு 4 டெஸ்ட் போட்டிகள் கொண்ட தொடரில் விளையாடி வருகிறது. சென்னை டெஸ்டில் டாஸ் வென்று முதல் இன்னிங்சை தொடங்கிய இங்கிலாந்து பேட்ஸ்மேன்கள் சிறப்பான ஆட்டத்தை வெளிப்படுத்தினார்கள்.

இதில் வீரர்கள் பந்தை துடைக்கும் சுவாரசிய புகைப்படங்கள் இணையவாசிகளை கவர்ந்துள்ளது. பந்துவீச்சாளர்கள் பந்தை துடைக்க படாத பாடு படும் புகைப்படங்களை கிரிக்கெட் ரசிகர்கள் ஆர்வமுடன் பகிர்ந்து வருகின்றனர்.