காஸ்ட்லி கிறிஸ்டியானோ... ஒரு நொடிக்கு ரொனால்டோ சம்பளம் எவ்வளவு தெரியுமா?

சவுதி அரேபியாவின் அல் நஸர் அணி நிர்வாகத்துடன் கிறிஸ்டியானோ ரொனால்டோ அண்மையில் ஓப்பந்தம் செய்து கொண்டார். இதன் மூலம் உலகின் மிகவும் அதிகம் சம்பளம் பெறும் விளையாட்டு வீரர் என்ற பெருமையை கிறிஸ்டியானோ ரொனால்டோவிற்கு கிடைத்துள்ளது. அல் நஸர் அணிக்கு விளையாட வருடத்திற்கு ரூ.1770 கோடிக்கு ரொனால்டோ ஒப்பந்தம் செய்யப்பட்டுள்ளார்.

கிறிஸ்டியானோ ரொனால்டோவை அல் நஸர் அணி 173 மில்லியன் பவுண்டுக்கு ஒப்பந்தம் செய்துள்ளது. இதற்கு முன் 2018 -21 ஆண்டுகளில் ஜுவென்டஸ் அணி 20 மில்லியன் பவுண்டுக்கும், யுனைடெட் மான்செஸ்டர் அணி 26 மில்லியன் பவுண்டுக்கும் ஒப்பந்தம் செய்து இருந்தது.

அல் நஸர் அணியின் ஒப்பந்தம் மூலம் ரொனால்டோ ஒரு மாதத்திற்கு இந்திய மதிப்பில் 144 கோடி சம்பளம் பெறுவார். அதே சமயம் ஒரு வாரத்திற்கு 36 கோடியும் ஒரு நாளுக்கு 5 லட்சமும் ஒரு நிமிடத்திற்கு 35,024 ரூபாயும் ஒரு நொடிக்கு 588 ரூபாய் சம்பளமாக பெறுகிறார்.

கிறிஸ்டியானோ ரொனால்டோ களத்தில் விளையாட 63 மில்லியன் பவுண்டு ஒப்பந்தம் செய்யப்பட்டுள்ளது. மற்ற 111 மில்லியன் பவுண்டு வார்த்தகம் மற்றும் புகைப்பட காப்புரிமையை பெற்றுள்ளது.