நினைவுகள் 2022 : ஆஸ்திரேலியா நுழைய நோவக் ஜோகோவிச்சுக்கு தடை.. டெஸ்ட் கேப்டன் பதவியை துறந்த விராட் கோலி... ஜனவரியில் நடந்த மறக்க முடியாத விளையாட்டு நிகழ்வு

2022 ஆம் ஆண்டு நடைபெற்ற ஆண்டின் முதல் கிராண்ட்ஸ்லாம் போட்டியில் பங்கேற்க வந்த உலகின் நம்பர் ஓன் வீரர் நோவக் ஜோகோவிச் கொரோனா தடுப்பூசி செலுத்ததால் ஆஸ்திரேலியாவில் நுழைய தடை விதித்தது அவரது விசாவையும் அந்நாட்டு அரசு ரத்து செய்தது.இதனால் ஆஸ்திரேலியா ஓபன் டென்னிஸ் போட்டியில் அவரால் பங்கேற்க முடியாமல் போனது.

ஜனவரி 5: நியூசிலாந்து நாட்டிற்கு சுற்றுப்பயணம் செய்த வங்கதேச அணி மவுண்ட் மாங்கானுவில் நடைபெற்ற முதல் டெஸ்ட் தொடரில் 8 விக்கெட் வித்தியாசத்தில் நியூசிலாந்து அணியை வீழ்த்தி வரலாறு படைத்தது வங்கதேச அணி.இதன்மூலம் நியூசிலாந்து மண்ணில் முதல் வெற்றியை பதிவு செய்து அசத்தியது

ஜனவரி 15:தென் ஆப்பிரிக்காவுக்கு எதிரான டெஸ்ட் தொடரில் தோல்வியடைந்ததை அடுத்து இந்திய டெஸ்ட் கேப்டன் பதவியில் இருந்து விலகினார் விராட் கோலி.

சர்வதேச கிரிக்கெட் கவுன்சில் (ஐசிசி) சார்பில் கடந்த ஆண்டின் சிறந்த கிரிக்கெட் வீராங்கனை விருதுக்கு இந்தியாவின் ஸ்மிரிதி மந்தனா தேர்வு செய்யப்பட்டுள்ளார். 2021 சீசனில் மொத்தம் 22 சர்வதேச போட்டிகளில் விளையாடிய மந்தனா (25 வயது) 855 ரன் குவித்து அசத்தினார் (சராசரி 38.86 ரன், 1 சதம், 5 அரை சதம்). பலம் வாய்ந்த தென் ஆப்ரிக்கா, இங்கிலாந்து, ஆஸ்திரேலிய அணிகளுக்கு எதிராக சிறப்பான ஆட்டத்தை வெளிப்படுத்திய அவருக்கு ஆண்டின் சிறந்த கிரிக்கெட் வீராங்கனைக்கான ரச்சேல் ஹேஹோ பிளின்ட் டிராபி வழங்கப்பட உள்ளது.

ஜனவரி22: இந்திய கால்பந்து அணியின் முன்னாள் நடுகள வீரரும், புகழ்பெற்ற கிளப் அணிகளின் முன்னாள் பயிற்சியாளருமான மேற்கு வங்காளத்தை சேர்ந்த சுபாஷ் பவுமிக், கிட்னி, சர்க்கரை மற்றும் இதய நோயால் அவதிப்பட்டு வந்தார். ஜனவரி 22 அன்று சிகிச்சை பலனின்றி காலமானார்

ஜனவரி 29:ஆஸ்திரேலிய ஓபன் கிராண்ட்ஸ்லாம் டென்னிஸ் தொடரின் மகளிர் ஒற்றையர் பிரிவில், உள்ளூர் நட்சத்திரம் ஆஷ்லி பார்டி சாம்பியன் பட்டம் வென்று சாதனை படைத்தார். இத்தொடரில் 44 ஆண்டுகளுக்குப் பிறகு ஒரு ஆஸ்திரேலிய வீராங்கனை கோப்பையை முத்தமிட்டது, அந்நாட்டு ரசிகர்களை மகிழ்ச்சியில் ஆழ்த்தியது.

ஜனவரி 30: 2022 ஆம் ஆண்டு நடைபெற்ற ஆண்டின் முதல் கிராண்ட்ஸ்லாம் டென்னிஸ் இறுதி போட்டியில் ரபேல் நடால் மற்றும் ரஷ்யாவின் மெத்வதேவ் மோதினர்.இதில் மெத்வதேவ் வீழ்த்தி 2-6, 6-7, 6-4, 6-4, 7-5 என்ற செட் கணக்கில் மெத்வதேவ்வை வீழ்த்தி 21வது கிராண்ட்ஸ்லாம் பட்டத்தை கைப்பற்றினார் ரபேல் நடால்.