நினைவுகள் 2022 : ரஷ்யாவுக்கு ஃபிபா தடை.. கார்ல்சென்னுக்கு அதிர்ச்சி கொடுத்த பிரக்ஞானந்தா - பிப்ரவரியில் நடந்த விளையாட்டு நிகழ்வுகள்

பிப்ரவரி 5: மேற்கு இந்திய தீவுகளில் நடைபெற்ற 14வது  19-வயதுக்கு உட்பட்டோருக்கான உலக கோப்பை தொடரில் இந்தியா -இங்கிலாந்து அணிகள் மோதின. இதில் இங்கிலாந்து அணியை 4 விக்கெட் வித்தியாசத்தில் வீழ்த்தி 5வது முறையாக உலக கோப்பை சாம்பியன் பட்டத்தை கைப்பற்றியது இந்தியாவின் இளம்படை.

பிப்ரவரி 13: இந்திய விக்கெட் கீப்பர் -பேட்டர் இஷான் கிஷன் இந்தியன் பிரீமியர் லீக் 2022 ஏலத்தின் முதல் நாளில் வாங்கப்பட்ட இந்திய விக்கெட் கீப்பர் இஷான் கிஷானை ரூ.16.25 கோடி கொடுத்து ஏலத்தில் எடுத்தது மும்பை இந்தியன்ஸ்

பிப்ரவரி 14: அர்ஜென்டினா vs பிரேசில் உலகக் கோப்பை தகுதிச் சுற்று போட்டி கொரோனா தொற்று காரணமாக கைவிடப்பட்டது

பிப்ரவரி 21: ஆன்லைன் மூலம் நடைபெற்ற ஏர்திங்ஸ் மாஸ்டர்ஸ் ரேபிட் செஸ் போட்டியில் 8வது சுற்றில் தமிழ்நாட்டின் இளம் கிராண்ட்மாஸ்டரான பிரக்ஞானந்தா நடப்பு உலக சாம்பியனும் உலகின் நம்பர் ஓன் வீரருமான மாக்னஸ் கார்ல்செனை வீழ்த்தி அபார வெற்றி பெற்று மாக்னஸ் கார்ல்செனுக்கு அதிர்ச்சி அளித்தார்.

பிப்ரவரி 25: பெங்களூருவில் நடைபெற்ற 8வது ப்ரோ கபடி இறுதி போட்டியில் தபாங் டெல்லி அணி 37-36 என்ற புள்ளி கணக்கில் பாட்னா பைரட்சை வீழ்த்தி முதன் முறையாக சாம்பியன் பட்டம் வென்றது

உக்ரைன் மீது போர் தொடுத்ததால் சர்வதேச கால்பந்து போட்டிகளில் பங்கேற்க ரஷ்யா மீது பிபா தடை விதித்தது.