விவாகரத்து, 2 குழந்தைகளுக்கு தாய், வயதில் மூத்தவர்... தவானின் முன்னாள் மனைவி ஆயிஷா முகர்ஜி - யார் இவர்?

இந்திய அணியின் நட்சத்திரங்களுள் ஒருவராக திகழும் 35 வயதான ஷிகர் தவான், அவரின் மனைவி ஆயிஷா முகர்ஜியை விவாகரத்து செய்துள்ளார். இதன் மூலம் 10 ஆண்டுகளாக நீடித்து வந்த அவர்களின் திருமண பந்தம் முறிந்துள்ளது.

ஷிகார் தவான் விவாகரத்து செய்து இரண்டு குழந்தைகளுக்கு தாயாக இருந்த ஆயிஷா முகர்ஜியை காதலித்து திருமணம் செய்து கொண்டார். அதுவும் ஷிகார் தவானை விட ஆயிஷா முகர்ஜி 10 வயது மூத்தவர். தவானின் பேட்டிங்கை போலவே அவரது தனிப்பட்ட வாழ்க்கையும் மிகவும் சுவாரஸ்யமானது.

ஆயிஷா முகர்ஜி ஏற்கனவே திருமணமாகி விவகாரத்து பெற்று 10 வருடங்கள் தனியாக வாழ்ந்தவர். ஆயிஷாவின் வாழ்க்கைக்குள் ஃபேஸ்புக் மூலமாக நுழைந்தார் ஷிகார் தவான்.

ஆயிஷாவின் தந்தை பெங்காலி சேர்ந்த ஆங்கிலோ இந்தியர் மற்றும் அவரது தாயார் பிரிட்டிஷ் நாட்டை சேர்ந்தவர். ஆயிஷாவின் குடும்பம் ஆஸ்திரேலியாவில் முழுவதுமாக குடியேறினார்கள். ஆயிஷாவும் அங்கேயே பிறந்து வளர்ந்தார்.

ஆயிஷா ஆஸ்திரேலியாவை சேர்ந்த தொழிலதிபரை காதலித்து திருமணம் செய்து கொண்டார். அவர்களுக்கு இரண்டு பெண் குழந்தைகளும் இருந்தன. ஆனால் பின்னர் கருத்து வேறுபாடு காரணமாக இருவரும் விவாகரத்து பெற்று பிரிந்தனர்.

ஆயிஷா இந்திய அணியின் சுழற்பந்து வீச்சாளர் ஹர்பஜன் சிங்கின் ஃபேஸ்புக் நண்பர். ஷிகார் தவான், ஆயிஷாவின் புகைப்படத்தை பார்த்துள்ளார். தவான் ஆயிஷாவை முதல் பார்வையிலேயே காதலித்து உடனடியாக நட்பு கோரிக்கை விடுத்துள்ளார்.இதை தொடர்ந்து ஃபேஸ்புக்கில் இருவரும் பழக தொடங்கி உள்ளனர். இவர்களது நட்பு பின்னர் காதலாக மாறியது.

இவர்கள் காதலை தவான் குடும்பத்தின்ர் ஏற்க மறுத்துவிட்டனர். ஆயிஷா விவகாரத்து பெற்றவர், அதனுடன் 10 வருடங்கள் மூத்தவர் என்பதால் அவர்கள் இதனை மறுத்தனர். தவானின் தாய் மட்டும் தனது மகனின் காதலை புரிந்து கொண்டுள்ளார்.

இதனால் 2009-ம் குடும்பத்தினருடன் ஏற்பட்ட சண்டை காரணமாக வெளியே வந்த ஷிகார் தவான், 2012-ல் ஆயிஷாவை திருமணம் செய்து கொண்டார்கள். ஆயிஷாவின் மகளை தனது குழந்தைகளாக பார்த்து கொள்வதாக ஷிகார் தவான் உறுதி அளித்தார்.

ஷிகார் - ஆயிஷா திருமணத்திற்கு பின் சந்தோஷமாக வாழ்ந்து வந்தனர். நேரம் கிடைக்கும் போதெல்லாம் ஷிகார் தவான், ஆயிஷா உடன் ஆஸ்திரேலியாவிற்கு சென்று நேரத்தை செலவிடுவார்.

இந்நிலையில் 10 ஆண்டுகளாக இணைந்து வாழ்ந்த இவர்கள் விவகாரத்து முடிவுக்கு வந்துள்ளனர். ஆயிஷா தனது இன்ஸ்டாகிராம் போஸ்டில் இதனை வருத்தத்துடன் தெரிவித்துள்ளார்.