காதலுக்காக டாக்டர் அஞ்சலியை நிருபராக மாற்றிய சச்சின்... கியூட் லவ் ஸ்டோரி

மாஸ்டர் பிளாஸ்டர் சச்சின் டெண்டுல்கர் என்பதை கிரிக்கெட் உலகிற்கு அறிமுகம் செய்ய தேவையில்லை. கிரிக்கெட்டில் 20 வருடங்ளாக பந்துவீச்சாளர்களை திணறடித்த சச்சின் டெண்டுல்கருக்கு உலகம் முழுவதும் பல கோடி ரசிகர்கள் உள்ளனர். அவர்களில் டாக்டர் அஞ்சலி சச்சின் மிகப் பெரிய ரசிகர்.

சச்சினை விட அஞ்சலி 6 வயது மூத்தவர் என்பது அனைவரும் அறிந்த ஒன்று. அஞ்சலி சச்சினை மிகவும் நேசித்தார். அதை சச்சினிடம் எப்படி சொல்வது என்று தெரியாமல் தவித்துள்ளார். ஒரு நாள் அவர் சச்சின் மீதான காதலை துணிந்து வெளிப்படுத்தி உள்ளார்.

சச்சினும் தனது காதலுக்காக பல சிரமங்களை எதிர் கொண்டுள்ளார். அவர்கள் காதல் குறித்து அஞ்சலி நேர்காணல் ஒன்றில் வெளிபடுத்தி உள்ளார். சச்சின் அவரது பெற்றோர்களிடம் அஞ்சலியை ஒரு நிருபர் என்றும் நேர்காணலுக்காக வந்துள்ளார் என்று அறிமுகம் செய்து வைத்ததாக கூறி உள்ளார்.

சச்சினும் அஞ்சலியும் மே 24, 1995-ம் ஆண்டு திருமணம் செய்து கொண்டனர். சச்சின் உடனான காதல் குறித்து அவரது மனைவி அஞ்சலி சில சுவாரஸ்ய தகவல்களை பகிர்ந்தார்.

சச்சினை நான் முதன் முறையாக பார்த்த போது அவருக்கு வயது 17. இங்கிலாந்து சுற்றுப்பயணத்தை முடித்து விமான நிலையத்திற்கு வந்தார். அப்போது எனது தாயை அழைத்து வர விமானநிலையத்திற்கு வந்தேன். அப்போது நாங்கள் இருவரும் ஒருவரை ஒருவர் சந்தித்தோம். அவரை பார்த்த தருணம் நான், சச்சினை திருமணம் செய்ய விரும்பினேன். பின்னர் நாங்கள் ஒரு பொதுவான நண்பர் மூலம் சந்தித்தோம்.

சச்சின் உடன் நான் பழகிய நாட்களில் மொபைல் போன் ஏதுமில்லை. அவருடன் பேச 48 ஏக்கர் கல்லூரி வளாகத்தை கடந்து தொலைபேசி பூத்துக்கு வர வேண்டும். நீண்ட நேர பேச்சு, அரட்டைகள் இருக்கும். தொலைபேசியில் பேசும் செலவை குறைக்க கடிதங்கள் மூலம் பேசுவோம்.

அவர்களது குடும்ப உறுப்பினர்களுக்கு என்னை அறிமுகப்படுத்தி வைக்க ஒரு பத்திரிகையாளராக நடிக்கும்படி அவர் என்னிடம் கூறினார். அவரை நேர்காணல் செய்ய வரும் ஒரு பத்திரிகையாளராக சச்சின் என்னை அவரது வீட்டிற்கு அழைத்தார். இந்த நேரத்தில் சச்சின் சற்று பயந்தான். சல்வார் கமீஸ் அணிந்து முதல் முறையாக வீட்டிற்கு சென்றேன் என்றார் அஞ்சலி.

சச்சின் - அஞ்சலிக்கு இரண்டு குழந்தைகள் உள்ளனர். அர்ஜூன் டெண்டுல்கர் தனது கிரிக்கெட் பயணத்தை தொடங்கி உள்ளூர் போட்டிகளில் விளையாடி வருகிறார். மகள் சாரா லண்டனில் உயர்படிப்பை படித்து வருகிறார்.