‘போன் செய்தால் 99% போனை எடுக்க மாட்டார்’ – தோனி குறித்த சுவாரசியங்களை பகிரும் விராட் கோலி

தான் போன் செய்தால் 99 சதவீதம் அதனை தோனி எடுக்க மாட்டார் என்று தோனி குறித்த சுவாரசியங்களை விராட் கோலி பகிர்ந்துள்ளார்.

ஐபிஎல் கிரிக்கெட் தொடரில் ஆர்.பி.சி அணியின் போட் கேஸ்டிற்கு விராட் கோலி பேட்டி அளித்துள்ளார். அதில் விராட் கோலி கூறியிருப்பதாவது-

என்னுடைய கஷ்டமான காலங்களில் என்னை தொடர்பு கொண்டவர் தோனிதான்.

என்னுடைய பயிற்சியாளர், குடும்பத்தினரை தவிர்த்து தோனிதான் எனது கடினமான நேரங்களில் என்னிடம் பேசினார்.

தோனிதான் என்னை அழைத்தார். அவரை தொடர்பு கொள்வது அவ்வளவு எளிதானது கிடையாது.

நான் தோனிக்கு அடிக்கடி ஃபோன் செய்வேன். ஆனால் 99 சதவீதம் அவர் போனை எடுக்க மாட்டார்.

ஏனென்றால் அவர் எப்போதும் போனுடன் இருக்க மாட்டார். இப்போது வரை அவர்தான் என்னை தொடர்பு கொண்டு பேசினார்.

ஒருமுறை எனக்கு மெசேஜ் செய்தார். அது எனக்கு மிகவும் ஆறுதலாக இருந்தது.

தோனி தனது மெசேஜில், ‘நீங்கள் பலமாக இருப்பீர்கள் என்று எதிர்பார்க்கப்படும்போது யாரும் உங்களிடம் நீங்கள் நலமா என்று கேட்க மாட்டார்கள்’ என்று கூறியிருந்தார்.

நான் எப்போது உடல், மனதளவில் வலிமையாக இருப்பேன். எனவே தோனியின் வார்த்தைகள் எனக்கு மிகவும் பொருந்தன. இவ்வாறு கோலி கூறியுள்ளார்.