இன்ஸ்டாகிராமில் 15 கோடி ஃபாலோவர்களை பெற்ற முதல் ஆசிய நபர் மற்றும் விளையாட்டு வீரர் என்ற சாதனையை விராட் கோலி படைத்துள்ளார். இங்கிலாந்து சுற்றுப்பயணத்தில் இருக்கும் விராட் கோலி, டெஸ்ட் தொடரில் பேட்டிங்கில் சிறந்த ஃபார்மில் இல்லை என்ற விமர்சனங்களை பெற்று வருகிறார். இங்கிலாந்து தொடரில் கோலி பேட்டிங்கில் ஃபார்மில் இல்லை என்றாலும் சமூக வலைதளத்தில் அவருக்கு நாளுக்கு நாள் ரசிகர்கள் அதிகரித்து கொண்டே வருகின்றனர். விராட் கோலியை இன்ஸ்டாகிராமில் ஃபாலோ செய்பவர்களின் எண்ணிக்கை 15 கோடியை தொட்டு சாதனை படைத்துள்ளார். இந்திய அளவில் விராட் கோலிக்கு அடுத்தப்படியாக நடிகை பிரியங்கா சோப்ராவிற்கு அதிக அளவிலான ஃபாலோவர்கள் உள்ளனர். விராட் கோலி தனது இன்ஸ்டாகிராமில் விளம்பரம் தொடர்பான ஒரு போஸ்ட் போடுவதற்கு 5 கோடி வரை ஊதியம் பெறுகிறார்.
