ஆரம்பமாகும் ஆசஸ் தொடர்.... ஐசிசி டெஸ்ட் சாம்பியன்ஷிப் தொடர் பற்றி தெரியுமா?

இங்கிலாந்து - ஆஸ்திரேலிய அணிகளுக்கு இடையேயான ஆசஸ் தொடருடன் ஐசிசி உலகக்கோப்பை டெஸ்ட் சாம்பியன்ஷிப் தொடர் இன்று முதல் தொடங்குகிறது. இந்திய நேரப்படி இன்று மதியம் 3.30 மணிக்கு போட்டி தொடங்குகிறது.

இதுவரை ஆசஸ் தொடர் 70 முறை நடத்தப்பட்டுள்ளது. அதில் 33 முறை ஆஸ்திரேலியாவும் 32 முறை இங்கிலாந்தும் வெற்றி பெற்றுள்ளது, 5 முறை போட்டி டிரா ஆகியுள்ளது. இதில் 330டெஸ்ட் போட்டிகள் அடங்கும். ஆஸ்திரேலியா  134 போட்டிகளிலும், இங்கிலாந்து  106 போட்டிகளிலும்  90 போட்டி டிரா ஆகியுள்ளது .

ஐசிசி உலகக்கோப்பை டெஸ்ட் சாம்பியன்ஷிப் தொடரின் முதல் பதிப்பு  2021-ம் ஆண்டு ஜூன் மாதம் வரை நடைபெறுகிறது.

இந்தத் தொடரில் முதல் 2 இடங்களை பிடிக்கும் அணிகள் லண்டனில் உள்ள லார்ட்ஸ் மைதானத்தில் இறுதிப்போட்டியில் மோதவுள்ளது.

வரலாறு - உலகக்கோப்பை டெஸ்ட் சேம்பியன்ஷிப் தொடருக்கான யோசனை முதன் முதலில் 2010-ம் ஆண்டு தோன்றியது. ஐசிசி சாம்பியன்ஸ் டிராபிக்கு பதிலாக 2013-ம் ஆண்டு அக்டோபர் மாதம் டெஸ்ட் சாம்பியன்ஷிப் போட்டியை நடத்த திட்டமிடப்பட்டது. ஆனால் அப்போது அது கைவிடப்பட்டது.

அணிகள் - ஐசிசி டெஸ்ட் தரவரிசை பட்டியலில் முதல் 9 இடங்களை பிடித்த அணிகள் இத்தொடரில் பங்கேற்க உள்ளது. இந்தியா, நியூசிலாந்து, தென் ஆப்பிரிக்கா, இங்கிலாந்து, ஆஸ்திரேலியா, இலங்கை, பாகிஸ்தான், வெஸ்ட் இண்டிஸ், பங்களாதேஷ் அணிகள் மோதுகின்றன.

போட்டி முறை -  தொடரில் கலந்து கொள்ளும்  9 அணிகளும்  6 அணிகளுடன் மோதும். 3 அணிகளுடன் சொந்த நாட்டிலும், 3 அணிகளுடன் வெளிநாட்டிலும் மோதும். ஒவ்வொரு அணியுடனும் மற்ற அணிகள்  2 முதல் 5 போட்டிகளில் மோத உள்ளன.

ஆட்டம் பகல் அல்லது பகல் -இரவு போட்டிகளாக நடத்தப்படும். முதல் பதிப்பில் மொத்தமாக 71 போட்டிகள் நடத்தப்படவுள்ளன. இந்தத் தொடரில் முதல்  2 இடங்களை பிடிக்கும் அணிகள் லண்டனில் உள்ள லார்ட்ஸ் மைதானத்தில் இறுதிப்போட்டியில் மோத உள்ளது.ic

ஐசிசி உலகக்கோப்பை டெஸ்ட் சாம்பியன்ஷிப் தொடரின் இரண்டாம் பதிப்பு முதல் பதிப்பு முடிந்தவுடன் தொடங்கி  2023-ம் ஆண்டு ஏப்ரல் மாதம் வரை நடைபெறவுள்ளது.

புள்ளிகள் அமைப்பு - ஒவ்வொரு தொடருக்கும்  120 புள்ளிகள் ஒதுக்கப்பட்டுள்ளன. ஒரு தொடரில் அணிகள் 2 டெஸ்ட் போட்டியில் மோதி  ஒன்றில்  வெற்றி பெற்றால் 60 புள்ளிகள் , போட்டி சமனில் முடிந்தால் 30 புள்ளிகள், முடிவு இல்லை என்றால் 20 புள்ளிகள் வழங்கப்படும்

புள்ளிகள் அமைப்பு - ஒரு தொடரில் அணிகள்  3  டெஸ்ட் போட்டியில் மோதி  ஒன்றில்  வெற்றி பெற்றால் 40 புள்ளிகள் , போட்டி சமனில் முடிந்தால் 20 புள்ளிகள், முடிவு இல்லை என்றால் 13.3 புள்ளிகள் வழங்கப்படும்