ரெக்கார்ட் சேஸ், ஆஸ்திரேலியா முதல் டி20 உலக சாம்பியன் -மார்ஷ் சாதனை

துபாயில் நேற்று நடைபெற்ற டி20 உலகக்கோப்பை இறுதிப் போட்டியில் நியூசிலாந்தை ஆஸ்திரேலியா அணி 8 விக்கெட்டுகள் வித்தியாசத்தில் மிகப்பெரிய வெற்றி பெற்று டி20 உலகக் கோப்பையை வென்றது, இதில் சிலபல சாதனைகள் நிகழ்ந்துள்ளது, அவை என்னவென்று பார்ப்போம்.

6- ஏழு டி20 உலகக்கோப்பைப் போட்டிகளில் இறுதியில் 6 முறை டாஸ் வென்ற அணிதான் வென்றுள்ளது. இந்த முறை டாஸ் வென்ற ஆஸ்திரேலியா இலக்கை விரட்டி வென்றது. இந்த உலகக்கோப்பையில் துபாயில் நடந்த 10 போட்டிகளிலுமே சேஸ் செய்த அணிதான் போட்டியை வென்றுள்ளது. இதில் வென்ற 9 முறை டாஸ் வென்ற அணிகளே ஜெயித்துள்ளது.

173- ரன்கள் இலக்கை விரட்டி வென்றது ஆஸ்திரேலியா, இது டி20 போட்டித்தொடர் இறுதியில் 2வது பெரிய வெற்றிகர விரட்டலாகும். 2018 முத்தரப்பு தொடரில் பாகிஸ்தான் அணி 184 ரன்கள் இலக்கை ஆஸ்திரேலியாவுக்கு எதிராக ஹராரேயில் விரட்டியதுதான் இதுவரை இறுதிப் போட்டிகளில் அதிகபட்ச ஸ்கோர் விரட்டலாகும்.

இந்த ஆஸ்திரேலியா-நியூசிலாந்து இறுதிப் போட்டிக்கு முன்பாக 2016 டி20 உலகக்கோப்பை இறுதிப் போட்டியில்தான் 160 ரன்களை கடந்த ஒரே அணியாக வெஸ்ட் இண்டீஸ் திகழ்ந்தது. இங்கிலாந்தின் 156 ரன்களை சேஸ் செய்து 160 ரனக்ளை எடுத்து சாம்பியன் ஆனது வெஸ்ட் இண்டீஸ்.

31 பந்துகளில் மிட்செல் மார்ஷ் எடுத்த அரைசதம் உலகக்கோப்பை இறுதிப் போட்டியில் தனிப்பட்ட வீரர் எடுக்கும் அதிகபட்ச ஸ்கோர் ஆகும். இதே பைனலில் நியுசிலாந்து கேப்டன் கேன் வில்லியம்சன் 32 பந்துகளில் அரைசதம் கண்டதை முறியடித்தார் மிட்செல் மார்ஷ். இதற்கு முன்பாக குமார் சங்கக்காரா 2014-ல் 33 பந்துகளிலும் 2016-ல் ஜோ ரூட் 33 பந்துகளிலும் அரைசதம் கண்டதே பைனலில் அதிவேக அரைசத சாதனையாக இருந்தது.

85 ரன்களை 48 பந்துகளில் விளாசிய கேன் வில்லியம்சன் அதில் 10 பவுண்டரி 3 சிக்சர்களை விளாசினார். மிட்செல் ஸ்டார்க் பவுலிங்கை பொளந்து கட்டி விட்டார், இறுதி உலகக்கோப்பை டி20 போட்டியில் இது இணைந்த அதிகபட்ச தனிப்பட்ட ஸ்கோராகும். முன்னதாக 2016 டி20 உலகக்கோப்பை இறுதியில் வெஸ்ட் இண்டீஸ் அணியின் மர்லன் சாமுவெல்ஸ் 85 ரன்கள் எடுத்தது குறிப்பிடத்தக்கது.

39- ரன்களை மிட்செல் ஸ்டார்க் பந்து வீச்சில் மட்டுமே கேன் வில்லியம்சன் எடுத்தார். மிட்செல் ஸ்டார்க்குக்கு எதிராக அதிக ரன்களை எடுத்து சாதனை புரிந்துள்ளார் கேன் வில்லியம்சன்.

இதற்கு முன்னர் 11 பந்துகளில் விராட் கோலி 32 ரன்களை சாம்பியன்ஸ் லீக் டி20 போட்டியில் எடுத்ததே அதிகம். மிட்செல் ஸ்டார்க்கின் 12 பந்துகளில் வில்லியம்சன் 7 பவுண்டரி 1 சிக்ஸ் விளாசினார். ஒரே பவுலரை இந்த அளவுக்கு பவுண்டரிகளை விளாசியவர் யாரும் இல்லை, வில்லியம்சன் தான்.

289- டேவிட் வார்னர் டி20 உலகக்கோப்பையில் எடுத்த ரன்கள். எந்த ஒரு டி20 உலகக்கோப்பையிலும் ஆஸ்திரேலியாவுக்காக அதிக ரன்களை எடுத்ததில் வார்னர் முதன்மையாகத் திகழ்கிறார். 2007 டி20 உலகக்கோப்பையில் மேத்யூ ஹைடன் 265 ரன்களை எடுத்ததே அதிகம்.

இங்கிலாந்தின் கெவின் பீட்டர்சன் (2010), டேவிட் வார்னர் (2021) ஆகியோர் மட்டுமே சாம்பியன் ஆன அணியிலிருந்து ஆட்ட நாயகர்களாகத் தேர்வு செய்யப்பட்டுள்ளனர்.

627 ரன்கள் எடுத்த மிட்செல் மார்ஷ் 2021-ல் முகமது ரிஸ்வானுக்கு (1033) அடுத்த படியாக டி20 சர்வதேசப் போட்டிகளில் அதிக ரன்களை எடுத்துள்ளார். பாபர் ஆசம் 826 ரன்கள்.

60 ரன்களை 4 ஓவர்களில் கொடுத்த மிட்செல் ஸ்டார்க் ஆஸ்திரேலியா அணியில் அதிசாத்து வாங்கிய பவுலராக 2வது இடம் பெற்றார். 2018-ல் நியூசிலாந்துக்கு எதிராக ஆண்ட்ரூ டை 64 ரன்களை கொடுத்ததே சாத்துமுறையில் முதலிடம்.