என் மீது தனிப்பட்ட தாக்குதலில் ஈடுபடுகிறார்: அக்தருக்கு சர்ஃப்ராஸ் கண்டனம்!

தென்னாப்ரிக்காவில் சுற்றுப்பயணம் மேற்கொண்டுள்ள பாகிஸ்தான் கிரிக்கெட் அணி, 3 விதமான தொடர்களில் விளையாடி வருகிறது. (CricketSouthAfrica)

2-வது ஒரு நாள் போட்டியில், தென்னாப்ரிக்க வீரர் பெலுக்வாயோவை பார்த்து நிறவெறியைத் தூண்டும்விதமாக பாகிஸ்தான் கேப்டனும், விக்கெட் கீப்பருமான சர்ஃபராஸ் அஹமது பேசி சர்ச்சையில் சிக்கினார். இந்த சம்பவத்தால் சர்வதேச அளவில் கடும் விமர்சனங்கள் எழுந்தன. (CricketSA)

பின்னர், பெலுக்வாயோவை நேரில் சந்தித்த சர்ஃபராஸ், நடந்த சம்பவத்துக்காக மன்னிப்பு கேட்டார். அதனை ஏற்றுக்கொண்ட பெலுக்வாயோ, அவரை மன்னித்துவிட்டதாக கூறினார். (Twitter)

இந்நிலையில், பாகிஸ்தான் கேப்டன் சர்ஃபராஸ் அஹமதுக்கு 4 போட்டிகளில் விளையாட தடை விதித்து ஐசிசி அதிரடி நடவடிக்கை எடுத்துள்ளது. (ICC)

இதனால், தென்னாப்ரிக்காவுக்கு எதிரான கடைசி  2 ஒரு நாள் மற்றும் 2 டி-20 போட்டிகளில் சோயப் மாலிக் கேப்டனாக நியமிக்கப்பட்டார். (ICC)

இதற்கிடையே, சர்ஃபராஸ் அகமது பகிரங்க மன்னிப்பு கேட்க வேண்டும் என்று பாகிஸ்தான் அணியின் முன்னாள் வேகப்பந்து வீச்சாளர் சோயப் அக்தர் கூறியிருந்தார். இதுகுறித்து ட்விட்டரில் வீடியோ வெளியிட்டு பின்னர் அவர் பதிவை நீக்கிவிட்டார். (Twitter)

இந்நிலையில், கராச்சி விமான நிலையத்தில் செய்தியாளர்களிடம் சோயப் அக்தர் பேசுகையில், “அக்தர் விமர்சிக்கவில்லை, தனிப்பட்ட முறையில் என்னை தாக்குகிறார். நான் என்னுடைய தவற ஒப்புக்கொள்கிறேன். அதற்கான தண்டனையும் ஏற்றுக்கொண்டேன்’  என்று கூறினார்.