கங்குலியின் சாதனையை முறியடிப்பாரா ‘ஹிட்மேன்’?

இந்திய கிரிக்கெட் அணியின் தொடக்க வீரர் ரோகித் சர்மா, சர்வதேச ஒரு நாள் அரங்கில் அதிரடி தொடக்க வீரராக வலம் வருகிறார். எதிரணியின் பந்துவீச்சை சிதறடிக்கும் இவரை கிரிக்கெட் ரசிகர்கள் ‘ஹிட்மேன்’ என்று அன்போடு அழைக்கின்றனர். (AP)

கடந்த 2007-ம் ஆண்டு அயர்லாந்து அணிக்கு எதிரான ஒரு நாள் போட்டியில் ரோகித் சர்மா அறிமுகமானார். 2012-ம் ஆண்டு வரை, ரோகித் சர்மாவின் விளையாட்டு சொல்லும்படியாக இல்லை. 2007- 2012 ஆகிய காலகட்டத்தில் 86 போட்டிகளில் விளையாடிய அவர், இரண்டு சதங்கள் உதவியுடன் 1978 ரன்கள் மட்டுமே எடுத்தார். அவரின் பேட்டிங் சராசரி 30.43. (BCCI)

2012-ம் ஆண்டு வரை, ரோகித் சர்மாவின் விளையாட்டு சொல்லும்படியாக இல்லை. 2007- 2012 ஆகிய காலகட்டத்தில் 86 போட்டிகளில் விளையாடிய அவர், இரண்டு சதங்கள் உதவியுடன் 1978 ரன்கள் மட்டுமே எடுத்தார். அவரின் பேட்டிங் சராசரி  30.43. (AP)

2013-ம் ஆண்டில் இருந்து தற்போது வரை, 113 போட்டிகளில் களமிறங்கிய ரோகித் சர்மா, 20 சதங்கள் உதவியுடன் 5,821 ரன்களை விளாசியுள்ளார். (CricketAustralia)

மூன்று முறை இரட்டை சதங்கள் உள்ளிட்ட பல்வேறு சாதனைகளை ரோகித் சர்மா படைத்துள்ளார். (BCCI)

நியூசிலாந்துக்கு எதிரான 4-வது ஒரு நாள் போட்டி ரோகித் சர்மாவின் 200-வது போட்டியாக அமைந்தது. 200 போட்டிகள் விளையாடிய 14-வது இந்திய வீரர் மற்றும் சர்வதேச அளவில் 79-வது வீரர் என்ற பெருமையை அவர் பெற்றார். (BCCI)

நியூசிலாந்துக்கு எதிரான 5-வது மற்றும் கடைசி ஒரு நாள் போட்டி நாளை மறுநாள் (பிப்.3) நடைபெற உள்ளது. இந்தப் போட்டியில் ரோகித் சர்மா சதம் அடித்தால், முன்னாள் வீரர் சவுரவ் கங்குலியின் சாதனையை முறியடிப்பார். (BCCI)

ஒரு நாள் கிரிக்கெட் போட்டிகளில் அதிக சதம் அடித்தவர்கள் பட்டியலில், 22 சதங்களுடன் ரோகித் சர்மா 9-வது இடத்தில் இருக்கிறார். அதே இடத்தில், சவுரவ் கங்குலியும் இருக்கிறார். (BCCI)

ரோகித் சர்மா, மேலும் ஒரு சதம் அடித்தால் 23 சதங்களுடன் 8-வது இடத்தில் உள்ள வெஸ்ட் இண்டீஸ் வீரர் கிறிஸ் கெய்ல் உடன் இணைவார். (BCCI)

ஒரு நாள் போட்டிகளில் அதிக சதம் அடித்த இந்திய வீரர்கள் பட்டியலில் ரோகித் சர்மா, 3-வது இடத்தில் உள்ளார். முதல் இரண்டு இடத்தில் ஜாம்பவான் சச்சின் டெண்டுல்கர் (49), ‘ரன்மெஷின்’ விராட் கோலி (39) ஆகியோர் உள்ளனர். (PTI)