”தோனியை சந்திப்பதற்காகவே மிகக் குறைவான சம்பளம் கொடுக்கப்பட்ட விளம்பரத்தில் நடித்தேன்” - பாலிவுட் நடிகர் ரன்வீர் சிங்.. (படங்கள்)

சர்வதேச கிரிக்கெட் போட்டிகளில் இருந்து தோனி ஓய்வு பெறுவதாக அளித்த அறிவிப்பை அடுத்து, பலரும் தங்களின் நினைவுகளையும், தோனி மீதான தங்களின் நன்மதிப்பினையும் பகிர்ந்து வருகிறார்கள். பத்மாவத் என்னும் திரைப்படத்தின் மூலம் தமிழ் ரசிகர்களுக்கு நன்கறிந்த ரன்வீர் சிங், தோனியுடனான தனது நினைவுகளை இன்ஸ்டாகிராமில் பகிர்ந்துள்ளார். 2007/08 கர்ஜத்  பகுதியின் என்.டி ஸ்டூடியோவில் இந்த படத்தை எடுத்துக்கொண்டதாக பதிவிட்டிருக்கிறார்.

குறிப்பிட்ட ஒரு விளம்பரப்படத்தில் தோனியைச் சந்திப்பதற்காகவே நடித்ததாகவும், மிகக் குறைவாக சம்பளம் தரப்பட்டது. ஆனால் அதைக் குறித்து நான் கவலைப்படவில்லை என்று தெரிவித்துள்ளார் ரன்வீர் சிங்.

”அப்போது காயமடைந்திருந்தேன். ஆனால் அவரைச் சந்தித்து ஒரு புகைப்படம் எடுத்துக்கொள்ள முடியும் என்பதால் அதில் நடித்தேன். சந்தித்தபோது தெரிந்தது அவர் எவ்வளவு பணிவான, அன்பானவர் என்று. தோனி எப்போதும் மனதில் நிலைப்பார்” என்று பதிவிட்டிருக்கிறார் ரன்வீர் சிங்